Diyarname
Li Tirkiyeyê Bursaspor yekem car bû şampiyon. Li Îtalya, Spanya, Îngilistanê jî şampiyon diyar bûn.

Li Tirkiye, Îtalya, Spanya û Îngilistanê heta hefteya dawî du tîm li dû şampiyoniyê bûn. Li van her çar welatan de di hefteya dawî de, li her welatî tenê tîmek kêf kir û yên din xemgîn bûn. Vane şampiyonên îsal:

Tirkiye: Bursaspor

Li Tirkiyeyê şampiyon di hefteya dawî de wê diyar biba. Hefteya dawî Fenerbahçe di rêza yekem de, Bursaspor di rêza duyem de bû û pûanek di navbera wan de bû. Fenerbahçe li mala xwe bi Trabzonspor û Bursa jî li mala xwe bi Beşîktaşspor re dilîst.

Fenerbahçe li mala xwe 1-1 ma û pûan winda kir. Bursaspor li mala xwe 2-1 Beşîktaş têk bir û bi 75 pûanan bû şampiyon.

Bi vê encamê di dîroka spora Tirkiyeyê de mûcîzeyeke nû çêbû: Piştî Fenerbahçe, Galatasaray, Beşîktaş û Trabzonsporê ku ev wekî 4 tîmên mezin têne hesibandin yekem car tîmeke din dibe şampiyon.

Bursaspor li hemberî tîmên mezin ên wekî Beşîktaş, Galatasaray û Fenerbahçe, li hemberî butçeya van tîman a mezin bi butçeya xwe ya hindik şampiyonî bi dest xist. Di vê şampiyoniyê de rola teknîk dîrektorê Bursaspor Ertugrul Saglam gelek e.

Spanya: Barselona

Ev hevok divê wisa bihata nivîsandin: Katalan: Barselona. Lê li gor statuya Spanyayê û li gor statuya dinyayê Barselona her çiqas Katalan be û her yek vê yekê bizanibe jî ew di Lîga Spanyayê de dilîze. Di Lîga Spanyayê La Lîga de her du reqîbên her demî Barselona û Real Madrîd heta hefteya dawî li dû hev bûn.

Real Madrîdê îsal transferên mezin kirin, gelek pere xerc kirin û hemû hêviya xwe danîbûn ser şampiyoniyê. Lê Barselonaya di dilê temaşevanên fûtbolê de xwedî ciheke taybet e, bi fûtbola xwe ya ku dilîze temaşevanan mest dike berendama mezin a şampiyoniyê bû.

Di hefteya dawî ya lîgê de Barselona bi 96 pûanan di rêza yekem de, Real Madrid bi 95 pûnan di rêza duyem de bû. Barselona wê li mala xwe bi Valladolid re, Real Madrid li mala Malaga bi wê re bilîsta. Barselona careke din şova xwe kir: 4-0. Û bû şampiyonê Spanya û Katalonyayê.

Di maçê, di deqîqeya 27'an de Prieto gol avêt qeleya xwe. Dûre di deqîqeya 31'ê de Pedro gola duyem avêt, nîveka yekem wisa bi dawî bû.

Di nîveka duyem, deqîqeya 62'yan de Messiyê arjantînî gola xwe avêt û tîm bi 3-0 derxist pêş. Messi di deqîqeya 76'an de gola dawî jî avêt, hem maç bi vî awayî bi dawî bû, hem jî lîg. Bi vê ecamê Barselona di La Lîga de bû 20 car dibe şampiyon. Barselona par jî bûbû şampiyon.

Di La Lîgayê de di heman demê de bi golên xwe jî lîstikvanê Barselona li pêş e. Lionel Messi bi 34 golên ku avêtin de îsal di La Lîgayê bû Golavêjê Qral. Piştî Messi lîstikvanê Real Madrid Higuen bi 27 golên xwe di rêza duyem de ma.

Îtalya: Înter

Li Îtalyayê Înter û Roma ji bo şampiyoniyê man hefteya dawî. Di vê hefteyê de Înter çû Sienayê, Roma jî çû Chievo'yê.　Di navbera wan de 2 pûan hebûn. Ji bo Roma bibe şampiyon divê Înter têk biçûya û Roma jî bi ser biketa. Belê Roma di deplasmanê de bi 2-0 bi ser ket, lê Înter jî di deplasmanê de bi 1-0 bi ser ket û hêviyên Romayê ji bo îsal jî şikiyan.

Bi vê şampiyoniyê Înter bû 5 sal ser hev de, bi giştî bû 18 sal li Îtalyayê dibe şampiyon. Înter ku teknîk dîrektoriya wê Morinyo dike wê di fînala Lîga Şampiyonan de jî, 22'yê vê mehê derkeve pêşberî Bayer Munihê.

Îngilistan: Chelsea

Li Îngilistanê Chelsea û M. Unîted ji bo şampiyoniyê heta hefdeya dawî jî ketin bezin. Di dawiyê de Chelsea bi 86 pûanan bû şampiyon. M. United di 85 pûanan de ma û bû duyem.

Her wiha îsal li Almanyayê Bayer Munîh, li Fransa O. Marsilya