Cemil Oguz

"Contemporary İstanbul" (Cİ) bi beşdariya gelek li hunermend û hunerhezan li Navenda Pêşangeh û Kongre ya Navneteweyî ya Lutfî Kirdara li Harbiyeya Stenbolê

deriyên xwe vekir. Şahiya hunerê dê heta 15'ê mehê li dar be.

Cİ li Tirkiyeyê yek ji çalakiya mezin a hunerê ye. Bi sedan hunermend bi berhemên xwe di pêşangehê de cih digirin. Cİ îsal 13'emîn car e li dar dikeve, ji Tirkiye û ji gelek welatên dinyayê berhemên hunerî yên mêvanan têne pêşkêş dike.

Gelek beşên Cİ hene. Di beşa "Plugin" de ji ser çapemeniya nû û dîjîtalê huner hatiye pêşkêş kirin. Hunera hemdem dest wer dide nav dîjîtalê û bandora hev a formatên cuda pêşkêş dike. Di bin kuratora Esra Ozkan  gelek hunermend bi berhemên di vê beşê de cih girtine. Di vê pêşangehê de bikaranîna ronahî, teknolojî, mîkskirina wan armoniyeke cuda derdikeve pêş.

Galeriyên gelek welatên wekî ji Spanya heta Avusturya, Koreya Başûr, Bulgaristan, ji Başûrê Afrîka û Fransayê heta  Swîsre, Şîlî, Îngilistan û DYA bi berhemên hunermendên xwe derdikevin pêşberî hunerhezan.

Cİ di hin waran de li gor salên borî xwe dubare dike lê hindik be jî hinek berhemên nû pêşkêş dike. Ji hunermendên kurd Ahmet Guneştekîn di Galeria Marlborough de berhemên xwe pêşkêş dike. Ligel berhemên wî "Rêzeya Zulqarneyn", tabloyên wî yên pirrengîn ên salên borî, îsal berhema wî ya nû "A Day in Paradise" (Li Bihuştê Rojek, 300 x 330 x 30) hatiye pêşkêş kirin. Li gor agahiyên ku min ji wan girtin di roja pêşî de 4 berhemên Guneştekîn hatine firotinê jî ku ev yek eleqeyê nîşan dide.

Ji nav Cİ peykerê ku hunermendê îtalî Guido Casaretto çêkiriye û bi pirsa "Do unpleasant people share similar features?" (Mirovên nexweşik heman taybetiyên wan hene?) pêşkêş kiriye balê dikişîne.

Di beşa "CIF Dialogues" de ligel hin hunermendan dê gotûbêj li dar bikevin.

Di beşa "RECENT ACQUISITIONS", di bin kurotoriya Prof. Dr. Hasan Bulent Kahraman de ji berhemên hunermendên ji Tirkiyeyê danhevek saz kirine û pêşkêş kirine. Di vir de li ser "tişt, peyv, îm; ew û yê din" hatiye sekinîn.

Par bi giştî 74 hezar kes çûbûn serdana Cİ ku îsal jî li benda reqemeke wisa ne. Bilêtên Cİ nava hefteyê bi buhayê 40 - 100 TL'yî, dawiya hefteyê bi 80 - 120 TL'yî têne firotin.

 
Ahmet Guneştekîn, "A Day in Paradise, 300x330x30

*