Diyarname
Şaredariya Sûra Amedê ji bo bigihîne feqîran navenda berhevkirina kincan ava kir û li benda alîkariyê ye.

Şaredariya Sûrê navê "Bankeya Kincan" li xebata xwe kir û li benda alîkariyê ne. Her kesê kincên ku li xwe nake, yan jî kincên nû ku bikaribe bikire û bişîne dikare alîkariya "Bankeya Kincan" bike.

Li ser xebatê endamê Meclisa Şaredariya Sûrê Îlhan Dîken got ku ji ber şerê 25 salan ku herî zêde Amedê para xwe jê girtiye, ji ber şîdet û koçberiyê rêjeya hejariyê li bajarê wan ji sedî 65 e.

Dîken diyar kir ku ji ber nêzîkbûna zivistanê û pêdiviya feqîran wan ev xebat daye dest pê kirin û got; “Gelek welatiyên me yên nikarin qet tiştekî bikirin hene. Zivistanek ku wê me bicemidîne, bilerizîne û wê nexweşiya zatûre bi zarokan re çêbike li benda me ye. Ji ber vê jî me di bin serokatiya şaredarê xwe Abdullah Demirbaş de dest bi vê xebatê kir.”

Dîken bang li welatiyan kir ku li hemberî vê yekê hişyar bin û ji welatiyan xwest kincên nehatine bikaranîn û yan ên neqetiyane bişînin.

Ji bo têkiliyê:
Şaredariya Sûra Amedê:
0412 2236062-142