Diyarname
Nivîskara amedî Esma Ocak ku li Nexweşxaneya Dîcle di dema dermankirinê de wefat kir cenazeya wê hate definkirin.
Nivîskara amedî Esma Ocak ev demekê bû li Fakulteya Tibê ya Nexweşxaneya Dîcle dihat dermankirin 25'ê mehê jiyana xwe ji dest da. Cenazeya Ocak li Goristana Deriyê Mêrdînê hate definkirin.
Nivîskar Ocak ku bi tirkî nivîsên xwe nivîsandibûn di sala 1928'an de li Amedê hatiye dinê. Navê wê yê rastîn Aydin Esma Ocak e ku dibistan heta pola diduyan a lîseyê xwendiye û dûre berdewam nekiriye. Ocak ku jiyana xwe li Amedê borand gelek çîrok nivîsî, pirtûkên wê derketin. Ocak zêdetir li ser jinan û mafên wan dinivîsand. Digel çîrokan wê roman jî nivîsî û romana wê ya bi navê "Berdel" bû fîlm. Derhêner Atif Yilmaz ji Berdelê bi heman navî fîlm kişand û têde Turkan Soray, Tarik Akan lîstibû. Her wiha berhema wê "Çardak" jî bûbû lîstika şanoyê.
Esma Ocak xwişka rewşenbîrê kurd Canip Yildirim bû.
Hin berhemên Ocak ev bûn:
- Berdel
- Kirklar Daginin Duzu
- Kervan Servan
- Sara Sara
- Kuyudaki Ses
- Muş Gurcusu Destani
- Surlu Kentin Sir Suyu
- Kadinlar Mektebi
- Duvar İçindeki Diyar (Diyar-be-kir)


