Diyarname

Li Ewropayê piştî Kûpaya Lîga Şampiyonan, duyemîn kûpaya mezin Kûpaya Lîga Ewropa ya UEFA'yê ye ku duh êvarê maça wê ya fînalê hebû. Tîma spanî Sevilla tîma îtalî Inter bi 3-2 têk bir û carek din kûpa bir mala xwe.

Em carek din dibêjin ji ber ku tam bû 6 caran Sevilla derdikeve fînalê û di her 6 caran de jî bi ser dikeve. Ev yek di dîroka kûpayên dinyayê de jî bi vî awayî rekorek e.

Rastî ev e: Duh êvarê (21 gelawêj) di nav her du tîman de favorî nîn bû, hesreta Interê zêdetir bû lê Sevilla gotina "Ez li fînalê bim kûpa a min e" carek din bibîr xist.

Ji ber vîrusên koronayê maçên Lîga Ewropayê li Almanyayê bê temaşevan hatin lîstin. Maça Sevilla - Inter jî bi heyecan dest pê kir. He di deqîqeya 4'an de Inter penaltî bi dest xist û lîstikvanê wan Lukaku di deqîqeya 5'an de tîma xwe bi 1-0 derxist pêş. Tenê 7 deqe karîn kêf bikin, Sevilla bi Luuk de Jong bersiv da: 1-1. Luuk de Jong di deqîqeya 33'yan de jî golek avêt û tîma xwe bi 2-1 derxist pêş.Piştî vê bi 2 deqeqîqeyan INterê bi Diego Gudin bersiv da û nîveka yekemîn bi 2-2'yê bi dawî bû.

Di nîveka duyemîn de çavê her du tîman jî li gol/an bû, lê yê karî golek biavêje dîsa Sevilla bû. Di deqîqeya 74'an de gotina dawî Diego Carlos got: 3-2.

Bi vê yekê Sevilla bû 6 caran vê kûpayê dibe mala xwe. (2 Caran Kûpaya UEFA ku wê çaxê navê wê wisa bû, bû çar caran jî Kûpaya Lîga Ewropayê). Salên wê jî bi vî awayî ne: 2005-06, 2006-07, 2013-14, 2014-15, 2015-16, 2019-2020.

Di vê beşê de Sevilla tîma ku herî zêde ev kûpa bi dest xisti ye. Li aliyê din di salên 2014, 2015 û 2016'an de Sevilla sê salan ser hev de ev kûpa biriye mala we ku ev jî rekorek e.

Her wiha ligel Sevilla tîmên Spanyayê Atletico Madrîdî 3 caran, Real Madrîdî 2 caran û Valencia carek jî carek ev kûpa girtiye, bi giştî 12 caran ev kûpa çûye Spanyayê.