Amed
Şanoya Bajêr a Amedê ji bo Meclisa DTSO’yê û Meclisa Jinan a DTSO’yê lîstika “Hema Hema Jin Elizabeth” pêşkêş kir. DTSO'yê bi vê organîzasyona taybet piştgirî da Şanoya Bajêr.
Koma Şanoya Bajêr a Amedê li cihê xwe lîstikên xwe pêşkêş dike lê vê carê bi taybetî li ser dikê bû. Komê lîstika “Hema Hema Jin Elizabeth” ji bo Odeya Bazirganî û Pîşesaziyê ya Amedê (DTSO) û Meclisa Jinan a DTSO’yê lîst.
Endamên Meclisa DTSO’yê û endamên Meclisa Jinan li lîstikê temaşe kirin û gelek jê hez kirin. Li Eywana Şanoyê di çarçoveya tevdîrên Covîd-19 de rêgezên maske, mesafe û hîjyen de li lîstik hat lîstin. Piştî lîstik bi dawî bû Serokê DTSO’yê Mehmet Kaya derket ser dikê, qevdek gul da lîstikvanan û ew pîroz kirin.
Kunyeya lîstikê
Derhêneriya lîstikê Berfîn Emektar, cîgiriya derhêner jî Şilan Alagoz kiriye. Lîstika “Hema Hema Jin Elizabeth” ku Dario Fo nivîsandiye, Dilawer Zeraq wergerandiye kurdî. Avşîn Adiguzel, Rezan Kaya, Yavuz Akkuzu, Ozcan Ateş, Şenay Ozbey û Ozkan Şeker têde dilîzin.
Lîstik vê mehê di nav bernameya Şanoya Bajêr a Amedê de dê çend carên din jî bê lîstin.
***
Nûçeya Eleqedar:
.jpg)
