Diyarname

Tîma mezin a Îngilistanê Manchaster United (MU) ji tîma Leicester City lîstikvan Harry Maguire transfer kir. Maguire stoper e û MU'yê ligel wî peymana 6+1 sal girê da. MU'yê ranegihand ku bi çiqasî ew transfer kiriye lê çapemeniya îngilîz îdîa kir ku 80 mîlyon sterlîn (87 mîlyon Euro) ji bo bonservîsê dane. 

Ev îdîa rast be Maguire dibe lîstikvanê stoper ê bi buhaya transferê ya herî bilind. Li gor daneyên tansgermarktê Juventusê ji bo Matthijs de Ligt 85,5 mîlyon Euro, Liverpoolê ji bo Virgil van Dijk 84,65 mîlyon Euro pereyê transferê dabûn. Maguire ev derbas kirin û di warê stoperan de rekor bi dest xist.

Lîstikvan Harry Maguire di nav tîma jêrîn a Sheffield United de dest bi fûtbolê kir û mezin bû, di sala 2017'an de berî here Liecester City çû Hull City û Wifan Athletic. Paşê derbasî Liecester City bû. Wî heta niha 20 caran formaya tîma neteweyî ya Îngilistanê li xwe kiriye.