Diyarname
Barselona ku hefteya borî Kûpaya Super a Spanyayê bi dest xistibû îşev jî dest avêt Super Kupaya UEFA'yê.

Tîmên ku di Lîga Şampiyonan û Lîga UEFA'yê de bi ser dikevin bi hev re ji bo Kûpaya Super a UEFA'yê dilîzin. Par Barselona di Lîga Şampiyonan de bi ser ketibû û kûpa biribû mala xwe. Porto jî di Lîga UEFA'yê de bi ser ketibû û kûpa biribû mala xwe. Ev her du tîmên serketî ji bo Kûpaya Super li Monacayê hatin hemberî hev.
Her du tîman jî dixwest kûpayê bi dest bixin û bi kûpayeke navneteweyî dest bi sala nû bikin. Monacoyê ber xwe dide, êrîş dikir lê li hemberî wan Barselonaya ku dest nikare zora wan bibe hebû. Di deqîqeya 39'am de Messi derket ser dikê: 1-0.
Nivîka yekemîn bi vê skorê bi dawî bû. Di deqîqeya 86'an de dîsa Messi li meydanê bû. Messi paseke xweş da Fabregas û Fabregasî serketina Barselonayê pesend kir: 2-0.
Ji Portoyê di deqîqeya 86'an de Rolando, di deqîqeya 90'î de jî Guarin qertên sor dîtin û ji maçê hatin avêtin.

Û çend kîte:
- Bi vê serketinê piştî Mîlanê, Barselona bû duyemîn tîm ku di ew qas kurtedemekê de du caran kûpayê bi dest dixe. Barselonayê di 2009'an de jî heman kûpa bi dest xistibû.
- Teknîk Dîrektorê Barselonayê Pep Guardola ket nav teknîk dîrektorên ku du caran ev kûpa bi dest xistiye. Heta niha 6 teknîk dîrektorî bi vî rengî du caran ev kûpa bi dest xistibû.

Messi lîstikvanê salê ye

Her wiha duh encama Lîstikvanê Salê yê UEFA'yê jî hat eşkerekirin. Ji Barsolayê Messi û Xavî ji Real Madrîdê Ronaldo berendam bûn û di encama dengdanê de Messi bi ser ket. Messi di sala 2009, 2010 û 2011'an de bû sê caran ser hev de wekî lîstikvanê salê tê hilbijartin.

***

Nûçeyên eleqedar:

- Dema Barselona hebe, Real Madrid kî ye!

- Tu Şampiyonê Şampiyonan î