Diyarname

Şaredariya Bajarê Mezin a Stenbolê li Buyukçekmeceyê Daristana Roja Jinan a Cîhanê çêdike. Îro li daristanê darçandin hebû. Şaredarê Bajarê Mezin ê Stenbolê Ekrem Îmamoglu û jina wî Dilek Îmamoglu Hevseroka HDP'ê Pervin Buldan jî vexwendin darçandinê.

Buldan ligel Mebûsên HDP'ê Zuleyha Gulum û Dilşad Canbaz Kaya çûn daristanê. 

Şaredar Îmamoglu, Dîlek Îmamoglu, Pervin Buldan û Seroka CHP'Ya Stenbolê Dr. Canan Kaftancioglu bi hev re dar çandin.

Şaredarê Bajarê MEzin ê Stenbolê Îmamoglu ji bo çapemeniyê got. "Li vir li ser navê 15 hezar jinan em daran diçînin. Lê derveyî vî li Tirkiyeyê çi jinên rêveber hebin, serokên partiyên siyasî, şaredar em li ser navê hemû jinên rêveber darek diçînin. Ev yek li vê axê tê. Dema ev dar mezin bibin û qadeke şîn çêbibe emê wê çaxê berhema keda xwe bigirin. Di nav de aştî, hezkirin, aramî heye."

Jina Îmamoglu Dîlek îmamoglu jî bal kişand ser "Peymana Stenbolê" û got ku divê em xebatên jinan xurtir bikin.