Diyarname

Lîsteya welatê miyanê xo de kêfweşê hamî hedrekerdin. Di lîste de Finlandiya zey 3 seranê bînan reyna di rêza yewîne de wa. Tirkiya 11 gamî tepiya şî.

Lîste de 150 welatî estê. "worldhappiness.report" raporê serey 2021'yinan eşkera kerd û welatê ke kêfweşê eşkera kerdî. Hetê pereyê kunê destê şexsan, azadî, sihet û alîkarî civakî, meselaya karê xapênayişî, perwerdehî û quwetê girotişê çiyan de nirxandin hamey kerdişî. Gorey enî krîteran zî welatê ke kêfweşê hamey tesbîtkerdişî. Fînlandiya bi serê 10'î da 7.8 pûanî biya yewîn. Welatanê Bakurê Ewropa û Îskandînavya 8 rêzê verînî girotê destê xo. Eno 5 seriyo 5 welatê verînî qe nêbedeliyayê.

Bi rêze Danîmarda bi 7.6 pûnana biya diyin, Swîsre bi 7.57 biya hîriyin, Îzlanda bi 7.55 biya çarin û Hollanda bi 7.46 biya 5'in. 

Welatê zey Norwec, Swêd, Luksemburg, Zelandaya Newî, Avusturya û Avustralya eşkanê bikoy rêzanê 10'anê verînan.

AMERÎKA Û ALMANYA 20'O VERÎN DE YÊ

Welatanê pîlan ra DYA û Îngilistan di rêzey 19, Almanya di rêçey 15'inan, Çîn di rêzey 86'inan de ca girota. Reyna Japonya di rêzey 58'inan de ca girota. Yewnanistan di rêzey 69'inan de xo rê ca vînawo. Hirvatistan di serey 2020'inan de di rêzey 79'inan de bî, nawey raver şiyo û resawo rêzey 23'nan.

TIRKIYA TEPIYA ŞÎ
Tirkiya gorey seranê bînan ra 11 gamî tepiya şiya û di rêzeya 104'inan de ca girota. Welatê zey Bangladeş, Tirkmenistan û Lîbya (Rêzey 82'yinan) vernî Tirkiya de yê. Bakurê Qibrisî vernî Tirkiya de di rêzey 75'inan de, Qibriso Herê Rûman di rêzey 40'inan de ca giroto.

Di peynî lîste de Afganistan, dimara Zimbabve, Rûanda, Botswana û Lesotho yenê. Welatê zey Sûriye, Bakurê Kore nêgirotê miyanê Lîste.