Diyarname

Fînala Pêşbaziya Stranan a Eurovisionê îsal êvara 22'yê mehê li Rotterdama Hollandayê li dar dikeve. Êvara 26 fînalîstên ji welatan diyar bûn.

Vane hin agahiyên li ser Eurovisionê:

- Îsal 65'emîn car li dar dikeve û ligel Hollandayê dê 26 welatên jî beşdar bibin.

- Hollanda piştî 1980'yî carek din mazûvanî dike.

- Yek ji komên favorî koma "Dodi og Gagnamagnid" a ji Îzlandayê derket fînalê lê qeyda ji bandê. Ji ber ku endamekî wan bi vîrusa koronayê ketibû di nîv fînalê de ne bi performansa zindî, lê bi qeyda ji bandê ku dema provayan de kişandibûn derbasî fînalê bûn. Ew strana bi navê "10 sal" dixwînin. Koma ji Sirbistanê ji wekî favorî tê nîşandayîn.

STRANBÊJA 18 SALÎ

- Di nîv fînalê de li ser navê Yewnanistanê Stefania Liberakakis ê 18 salî stran got û derket fînalê. Hollandiyan pir deng dan wê. Liberakakis di sala 2016'an de li ser navê Hollandayê beşdarî Pêşbaziya Stranan a Zarokan a Eurovisionê bûbû.

GOTINÊN KARKEREKE SEKSÊ

- Koma The Black Mamba strana "Love is On May Side" (Evîn li cem min e) li ser navê Portekîzê derket fînalê. Di stranê de hestên karkereke seksê ya ji Rojavaya Ewropaye ku ew li Amsterdamê dijî tînin ziman. Solîstê komê Tatanka dema li Amsterdamê li kuçeyên kerxaneyan li Red Light Dictrichtê digeriya di bin bandora sohbeta karkereke seksê de maye û ji wê sohbetê gotinên stran

- Di dema Şerê Karabaxê yê di navbera Ermenistan û Azarbaycanê de Ermenistanê nekarî berendamê nîşan bide, loma îsal Ermenistan beşdar nabe.

26 WELATÊN FÎNALÎST

Mazûvan Hollanda û pênc welatên mezin ên Eurovisionê Almanya, Fransa, Îtalya, Spanya û Îngilistan raste rast beşdarî fînalê dibin.

Ev welat jî di nîv fînalê de bi ser ketin û derbasî fînalê bûn: Albeniya, Bulgaristan, Finlandiya, Yewnanistan, îzlanda, Moldova, Portekîz, San Marino, Sirbistan, Swîsre, Norwec, Îsraîl, Rusya, Azerbaycan, Malta, Lîtvanya, Qibris, Swêd, Belçîka, Ukrayna

DI NÎV FÎNALÊ DE TÊK ÇÛN

Li aliyên din ev welat jî di nîv fînalê de têk çûn û vegeriyan mala xwe:  Avustralya, Hirvatistan, Îrlanda, Makedonyaya Bakur, Romanya, Slovenya, Danîmarka, Estonya, Gurcistan, Letonya, Polonya, Avusturya û Komara Çek.

SIYASET HER HEBÛ

Di Eurovisionan de her siyasetê xwe tevî pêşbaziyê kiriye. Hin mînak:

- Sala 1978'an de li Parîsa Fransayê pêşbazî li dar diket. Wekî welatên din Urdunê jî bi awayekî yekser weşan dikir. Dema ferq kirin ku dê Îsraîl bi ser bikeve, weşan betal kirin. Wê kêliyê Belçîka di rêza yekemîn de bû, temaşevanên Urdunê gotin qey Belçîka bi ser ketiye. 

- Di sala 2009'an de Gurcistan bi stranek ku rexne li Serokdewletê Rusyayê Putînî digire dixwest beşdar bibe lê destûr nehat dayîn. Gurcistan ji pêşbaziyê vekişiya.

- Îsal destûr nedan ku Belarus beşdarî pêşbaziyê bibe. Ji Belarusê strana koma Galasy ZMesta wekî stranek polîtîk hat dayîn loma destûr nehat dayîn. Komê piştgirî dida Serokdewletê Belarusê Aleksandr Lukaşenko û çalakiyên dijî hikumetê rexne dikir.

TIRKIYE TUNE YE

- Tirkiye di dîroka Eurovisionê de carek bûye yekemîn. Di sala 2003'yan de Sertab Erener bi strana "Every That O Can" bû yekemîn. Tirkiye ji sala 2013'yan ve beşdarî pêşbaziyê nabe.