Diyarname

Hêzên Opozîzyonê ku Efrînê û Girê Sipî dagir kirine vê carê kurdî ji nav bernameya perwerdehiyê derxist.

LI EFRÎNÊ KURDÎ RAKIRIN

Li gor nûçeya Rûdawê li Efrînê kurdî ji nav waneyan hatiye derxistin. Rûdawê wisa nivîsiye, "Li dibistanên herêma Efrînê, li jêr desthilata Tirkiyê û grûpên çekdar ên opozisyona Sûriyê, Wezareta Perwerdeyê ya hikûmeta Demkî waneyên zimanê Kurdî ji nav programên xwendinê li dibistanan derxist. Di tomareke dengî de ku ji Tora Medyayî ya Rûdawê re hatiye şandin, Rêveberê dibistanekê tekez kir ku êdî zimanê Kurdî bi taybet li bernameyên wanebêjiyê nemane. Rêveberê ku ji bo sedemên emnî daxwaz kir ku nasnameya wî neyê aşkerekirin, wêneyên bernameyên wanebêjiyê bo Rûdawê şandine û tê de diyar dibe ku li şûna waneya bi zimanê Kurdî hatiye nivîsandin wane bi bijartî dibe.

KURDÎ RAKIRIN TIRKÎ XISTI CIHÊ WÊ

Li gor nûçeya Hawar Newsê jî li Girê Sipî kurdî ji nav waneyan hatiye derxistin û tirkî xistine cihê wê. Li gor nûçeyê Meclisa Girê Spî ya Herêmî îro li kantonê vekirina dewreyên zimanê tirkî ragihand. 

Heman çavkanî ragihandiye ku ji ciwanan re dibêjin piştî hûn dewreyê bi dawî bikin hûnê wekî mamoste di dibistanan perwerdehiyê bidin.