Diyarname

Ji ber ku li Tirkiyeyê rewşa doktoran ne baş e TTB'ê û Odeya Tabîban ket nava hewldanan.

Li ser vê yekê TTB û Odeya Tabîban pêvajoyeke nû ya têkoşînê da dest pê kirin. Têkoşîn bi diruşma "Li hemberî tarîtiyê; Em xwedî li kincê xwe yê sipî, mafên xwe, mafên tenduristiya gel derdikevin - ked a me ye, gotin a me ye" hate destpêkirin.

Di daxuyaniya ku roja 1'ê mehê Seroka Konseya Navendî ya TTB'ê Prof. Dr. Şebnem Korur Fincanci xwend de anketa ku TTB'ê li 81 bajaran ligel doktoran çêkir jî hat eşkere kirin. Di anketê de rewşa xirab a doktoran derket holê. Li gor anketê:

- Sedî 45'ê doktoran meaşê wan têra debara wan nake.

- Sedî 76'ê doktoran heqdestê xwe yê zêdexebitîna di dema pandemiyê de nagirin.

- Sedî 90'ê doktoran difikirin ku pergala xebata li gor performansê bêedalet e.

- Sedî 92 difikirin ku zagona li ser şîdeta di dema tenduristiyê de ku par li Meclisa Tirkiyeyê hat qebûlkirin bandora wê tune ye.

- Sedî 84'ê doktoran pêşî rastî şîdeta gotin û fîzîkî ya nexweşan an jî xizmên nexweşan tên.

- Sedî 68'ê doktoran fikra wan ew e ku ji ber rewşa giran an xebatê nikarin bi têra xwe bi nexweşên xwe re eleqedar dibin.

- Sedî 72'yê doktoran difikirin ku rewşa xebata li ser pandemiyê ne li gor rewşa pandemiyê ye.

TTB li ser navê 175 hezar doktorên li Tirkiyeyê dixwaze ligel Wezareta Tenduristiyê ya Tirkiyeyê biaxive û daxwazên wan ragihîne wezaretê. TTB dibêje ger daxwazên wan neyên qebûlkirin dê têkoşîna xwe bilindtir bikin û heta encamê bi dest bixin dê bitêkoşin.