Diyarname

Di Lîga Şampiyonana UEFA’yê de êvara 28’ê mehê maça fînalê hate lîstin. Real Madrîdê Liverpool bi 1-0 têk bir û kûpa bir mala bû. Bû 14 caran vê kûpayê digire ku li Ewropayê tîma herî zêde ev kûpa girtiye ye.

Di maçê de Liverpoolê tam 24 şût avêtin, Real Madrîdê tenê 4. Leverpoolê bi sedî 54 bi gogê lîst, Realê 46. Lê van yekan têrê nekir. Di deqîqeya 59’an de Vinicius Junior li ser navê tîma xwe golek avêt û encam diyar bû. Li aliyê din divê bê gotin ku Real Madrîdê bi saya qeleparêzê xwe Courtois maç bi dest xist ji ber ku wî  bi lîstika xwe ya serketî pêşî li gelek golan girt. Bi gotineke din Courtois bi serê xwe pêşî li Liverpoolê girt.

Real Madrîdê ku di Dora 16’an de PSG, di çarîk fînalê de Chelsea û di nîv fînalê de jî Manchester City têk bir û hat fînalê. Di fînalê de jî tîma îngilîz Liverpool dest vala şand ma.

14 KÛPA

Bi vê serketinê bû 14 caran Real Madrîd vê kûpayhe bi dest dixe. Kûpaya Lîga Şampiyonan yekem car di sala 1955’an de dest pê kir û heta sala 1960’î Realê tam 5 salan ser hev de ev kûpa girt. Di sala 2015-16, 2016-17 û di sala 2017-18 de sê caran ser hev de ev kûpa bir mala xwe ku di sala 2018’an de dîsa reqîb Liverpool bû.

Li aliyê din di warê tîman de Spanya bû 19 caran vê kûpayê digire, bi vê welatê herî serketî ye.

ANCELOTTI GOT 4

Her wiha teknîk dîrektorê Real Madridê Carlo Ancelotti bû 4 caran wekî teknîk dîrektor vê kûpayê digire ku bû teknîk dîrektorê herî zêde vê kûpayê digire. Teknîk dîrektor Bob Pailsey û Zinedine Zidane her yekî 3 caran ev kûpa girtibû, Ancelotti bi serketina vê carê re ew li dû xwe hiştin.