Diyarname

Navenda PEN’a Kurd bi armanca “Bila Zimanê Kurdî li Tirkiye, Îran û Sûriyeyê Bibe Zimanê Fermî û yê Perwerdehiyê” dest bi xebatan kir ku yek ji van jî lidarxistina konferansê bû.

Konferansa PEN’a Kurd roja 11’ê mehê bi alîkariya bi alîkariya Komela Kurdî Kulturî-Borlange û ABF/Stockholmê li Stockholmê li dar ket. Di konferansê de gelek sazî û kes axivîn.

Komîteya Swêdê ya PEN’a Kurd ji bilî vê konferansê wekî din jî dê xebatan bike. Kongreya PEN’ a Navneteweyî ya 88’emîn dê vê îlonê li Upsalaya Swêdê li dar bikeve û PEN’a Kurd bi xebatên bi vî rengî amadehiyên xwe yên ji bo beşdariya kongreyê dike. Li gor daxuyaniya PEN’a Kurd di kongreya PEN’a Navneteweyî de ew dê bixwazin ku komîteyek bê avakinin ku di dan û standinên navneteweyî de di vî warî de bibe alîkar. PEN’a Kurd dibêje piştî kongreyê ew dhe vê mijarê bibin parlementoyên dewletan û alîkariya wan bixwazin û dûre jî dê mijarê biin sazî û dadgehên navneteweyî.

Li aliyê din di vê konferansa hat li dar xistin de van kesan û saziyan mafê axaftinê girt û axivîn:

1- Peyama Navenda PENa Kurd/Dilşa Yûsif, Seroka Komîteya Jinên Nivîskar ya PENa Kurd, “Girîngiya Ziman, Çand û Dîroka Kurdan”

2- Gewran Goyî/Rêvebirê Pedagojî&Lêkolînerê Perwerdê /Zanîngeha Turku, Finlanda, “Zimanê Mîrasê, Perwerda Zimanê Mîrasê, Perwerda Zimanê Kurdî di Çarçoveya Mîrasê de

3- Instutîta Kurdî Li Stockholmê / Mîrhem Yigît / “Xebatên Instutîyê û Zimanê Fermî”

4- Weşanxaneya Apec/ Alî Çiftçî/ “Danasîn û Berhemên Weşanxaneyê”

5- Komeleya Mamosteyên Kurdî li Swêdê/ Azad Josef Erdem, “Rewşa Perwerdehiya Kurdî Li Swêdê”

6- Heyder Diljen/ Weşanxaneya Diljen, “Li Swêdê Pirtûkên Kurdî Yên Dersê û Weşanxaneya Diljen”

7- Hakî Balta/Weşanxaneya Kurdped / “Weşangerî û Ziman”

8- NCDK – Swêd / “Danasîn û Xebatên li Ser Ziman û Çandê”

9- Firat Cewerî/ Nivîskar û Wergêr / “Zehmetiyên Nivîskariya Bi Kurdî”

10. Weşanxaneya Kîtabî Erzan/Namo Alî Mûradî / “Danasîn û Berhemên Weşanxaneyê”

11- Şewket Amîdî “Weşanxaneya Sîlav, Berhem û Xebatên ji bo Pêşxistina Zimanê Kurdî”.