Diyarname

Tîma fûtbolê ya Amed Sporê formayên xwe yên nû yên serdema 2022-2023’yan amade û belav kirin. Tîm îsal dê van formayan li xwe bike. Yên bixwazin dikarin ji ser Amedstore re bikirin.

Amed Spor di Koma Spî ya Lîga 2”yemîn a TFF’ê de dilîze. Maçên vê lîgê vê hefteyê, roja 27’ê gelawêjê dest pê dikin. Tîma Amed Sporê ku amadehiyên xwe yên ji bo lîgê temam kirih formayên xwe yên nû yên îsal jî pêşkêş kirin.

Bi 4 rengan forma hatine amadekirin. Formaya kesk bi xêzên sor, formaya spî, formaya sor û formaya reş. Piştî wêneyên formayan hatin belavkirin di tora civakî de alîgiran fikrên xwe binî de nivîsîn û gelek ji wan ji formaya reş hez kirin.

Yên bixwazin formayan bikirin û alîkariya Amed Sporê bikin dikarin ji navenda klûbê, yan jî ji Amedstoreyê (https://amedstore.com.tr) bikirinb. Di vê navberê de formayên îsal bi 400 TL’yî têne firotin.

Amed diçe Ispartayê

Li aliyê din Amed Spor di serdema lîga îsal de maça yekem li deplasmanê dilîze. Tîm dê here bajarê Ispartayê û ligel Isparta Davrazsporê bilîze. Maç roja 28’ê mehê saet 20.00’an de tê lîstin.