Diyarname

13’emîn Festîvala Fîlmên Kurdî ya Londonê ku li Londona Îngilistanê li dar ket, fîlmên bi ser ketin xelat kirin.

Festîval di navbera 23-30’yê mehê li dar ket û li Sînemaya Prînces Charles a Londonê, bi merasîma xelatdayînê bi dawî bû. Hevserokê KNK’ê Ahmet Karamûs, siyasetmedar Osman Baydemîr, endamê Meclisa Şaredariya Harîngey Alî Ozbek, Nûnerê Hikumeta Herêmî ya Kurdistanê ya Îngilistanê Karwan Cemal Tahir, rojnameger Zoe Tîdman û Constance Wong û gelek kesên din tevlî merasîmê bûn.

Juriya îsal ji  derhêner Veysî Altay, Nîkola Îvanovskîa, Rêber Doskî, Vîlda Salehî, Azîz Çapkûrt û Serhat Karaaslan pêk dihat. Di encama biryara juriyê de van berheman xelat girtin:

- Xelata Belgefilmê Herî Serketî ya Metraja Dirêj a Mehmet Aksoy: “The Other Sîde Of Rîver (Aliyê din ê çem) - Derhêner Antonîa Kîllîan

- Xelata Fîlmê Metrajdirêj ê Herî Serketî ya Roja Zer: The exam (Ezmûn) - Derhêner Şewket Emîn Korkî

- Xelata  Kurtefîlmê Herî Serketî ya Yilmaz Guney: Fînger Prînt (Şopa Tilî) - Derhêner Zanyar Mihemmeddînîkû

- Xelata Kurtefilmê Herî Serketî ya Taha Kerîmî: 7 Symphonîes of Zagros (7 senfoniyên Zagrosê)

- Xelata Lîstikvana Herî Serketî (Dan du lîstikvanan): Şewbo Silêmanî (bi rola di fîlmê Fînger Prînt de),  Avan Jamal (Bi rola di fîlmê The Exam de) girt.

- Xelata Lîstikvanê Herî Serketî: Poûrîna Rahîmî Sam (bi dola di fîlmê Zalava de)

- Xelata Jurî ya Taybet: Blackberry Season (Dema Dirîreşkan) - Derhêner Haşim Aydemîr

- Xelata Jurî ya Taybet ji bo belgefîlm: My Name îs Dekan (Navê min Dekan) - derhêner Ala Hostyar.