Diyarname
Tûrnûvayeke balkêş tê lîstin. Tîmên favorî têk diçin, tîmên ber xwe didin bi ser dikevin. Di maçên îro de ji Koma E Japonya û Spanya ji koman derketin û derbasî Dora 16’an bûn. Ji Koma F Fas û Hirvatistan bilêta derketina ji komê girtin. Ji tîmên favorî Almanya ji tûrnûvayê xatin xwest.
KOMA E
Di Koma E de îro maça Japonya - Spanya hebû, Japonya bi 2-1 bi ser ket. Di maça Kosta Rîka - Almanyayê de serketina 2-4 têra Almanyayê nekir. Almanyaya ku wekî yek ji favoriyan dihat nîşandayîn di maça yekemîn de li hemberî Japonyayê têk çû û şok derbas kir. Di maça duyemîn de ligel Spanyayê 1-1 ma û serketina maça sêyemîn têra wê nekir. Almanya di dîroka xwe de yekem car de du caran ser hev de nikare ji koman derê. Ekola alman jî bi vê yekê dê bê nîqaşkirin.
KOMA F
Di Koma F de Fas bi 7 pûanan, Hirvatistan bi 5 pûanan ji komê derketin. Belçîka di 4 pûanan de ma, Kanadayê qet pûan negirt û vegeriyan malên xwe. Maçên vê komê yên îro bi vî rengî bûn:
- Hirvatistan- Belçîka 0-0
- Kanada- Fas 1-2
Tîma neteweyî ya Fasê piştî sala 1986'an yekem car ji koman derket û derbasî Dora 16'an bû.
Nûçeyên Kûpaya Cîhanê:
.jpg)
.jpg)
.jpg)
.jpg)
