Diyarname

Di Dora 16’an a Kûpaya Cîhanê 2022 de Fasê Spanya, Portekîzê jî Swîsre şand mal û ew çûn çarîk fînalê. Her du tîm bûn reqîbên hev û maça wan 10'ê mehê tê lîstin.
Bêkêriya spanyayiyan, serketina fasiyan
Maça yekem a îro di navbera Fas û Spanyayê de bû. 90 deqîqe, dawiya 30 deqîqeyên zêdek jî bi wekhevî, 0-0 bi dawî bû û maç derbasî bikaranîna penaltiyan bû. Û tam li vê derê tiştek ecêb çêbû: 

Ji Spanyayê Pablo Sarabia, dûre Carlos Soler û dûre Sergio Busquets gog danî ser xala sipî lê yekî jî nekarî golê biavêje. Qeleparêzê Fasê Yassine Bounou bi serketinek mezin her du penaltiyên dawî ji kelehên derxistin, ji xwe ya pêşî li dîrekê ketibû.

Berevajî lîstikvanên spanyolî, Abdelhamid Sabiri, Hakim Ziyech, Achraf Hakimi, kîjanî gog girt destê xwe gol avêt, enê Bedir Benun penaltî nekarî veguherîne golê. Bi vî awayî di 3 penaltiyan de, bi 3-0 Fasê zora Spanyayê bir û ew şand mal.

Bi vê serketinê tîma neteweyî ya Fasê di dîroka xwe de yekemîn car derket çarîk fînalê.

*

Portekîzê nîv duzîne gol avêtin

Di maça dawî ya Dora 16’an de Portekîz û Swîsre hatin hemberî hev. Portekîzê wekî baranê gol bi ser Swîsreyê de barandin.

Portekîzê di deqîqeya 17’an de bi Gonçalo Ramos dest bi avêtina golan kir. Di deqîqeya 33’yan de Pepe encam anî 2-0. Nîveka yekemîn wisa bi dawî bû.

Di nîveka duyemîn de meraq ew bû dê Swîsre çawa bersivê bide lê jê wêdetir Portekîz wekî baranê li holê bû. Ramos di deqîqeya 51 û 67’an de jî gol avêtin û bi hat-trickê dilê temaşevanên xwe geş kir. Dîsa Raphael Guerreior di deqîqeya 55’an de gola tîma xwe qeyd kir.

Di deqe 90+2 de Rafael Leao bi goleke mikemel nîv duzîne temam kir. Tekane gola Swîsreyê Manuel Akanji di deqîqeya 58’an de avêt. Bi encama 6-1'ê Portekîz derbasî çarîk fînalê bû û bû reqîbê Fasê.
Lîstikvanê navdar ê Portekîzê Cristiano Ronaldo yekem car ne di nav 11'an de dest bi maçê kir. Ronaldo paşê ket maçê. Lîstikvan Ramos ku hat-tick kir, di vê tûrnûvaya li Qatarê de bû yekem lîstikvan ku hat-trickê pêk tîne.

Portekîz û Fas bûn reqîbên hev, 10’ê mehê dê ji bo derbasbûna nîv fînalê bi hev re bilîzin.

Rûpela Taybet, Nûçeyên Kûpaya Cîhanê:

- Kûpaya Cîhanê 2022 Qatar, Rûpela Taybet