Diyarname
Japonya ev 28 sal in her meha dawî ya salê, meha berfanbarê karakterek ji alfabeya Çînê ku ew karakter rewşa derûniya civakî tîne ziman û populer e hildibijêre. Japonyayê ji bo sala 2022’yan karakterê “Sen” hilbijart ku ev karakter tê wateya ‘şer’, ‘têkoşîn’, ‘maç (lîstik)’ê jî. Weqfa Testa Jîrkî ya Kanjî ya Japonyayê di encama dengdana 220 hezar dengî de ev hilbijartin pêk anî.
Li Japonyayê 3 alfabeyên cuda têne bikaranîn. Di alfabeya Çînê ‘Kanjî’ de her karakter bi peyvek tê vegotin. Di alfabeyên ‘Katakana’ û ‘Hiragana’ de jî sembol hene ku kîteyan nîşan didin. Ferqa di navbera wan de ew e ku ji bo nivîsandina peyvên bi koka xwe ji Rojava ne alfabeya Katakana tê bikaranîn, lê dema Japonyaya xas tê nivîsandin alfabeya Hiragana tê bikaranîn.
Niha peyva hatiye hilbijartin bi alfabeya “Kanjî” ye. Peyva “Sen” hat hilbijartin. Di sala 2020’î de ji ber Covid-19'ê peyva “Tîr” (di wateya ‘tîrî’ de), di sala 2021’ê de jî peyva “Kîn” hatibû hilbijartin ku di wateya “zêr, pere” de bû û madalyayên Olîmpiyata Tokyayê nîşan dida.
Li Perestgeha Kiyomizu ku li bajarê Kyoto ye, Serkeşeyê Bûdist Mori Seihan ev peyva “Sen” li ser kaxizê “Waşî” nivîsî. Ev kaxiz 1,5 metre dirêj, 1,3 metre fireh bû ku bi firçeya kalîgrafî peyva “Sen” li ser nivîsand.
Hat gotin ku di hilbijartina vê karakterê de qeyrana Rusya-Ûkraynayê, windakirina qîmeta pereyê Japon yen ê ku bû sedema buhabûnê bûye sedem ku ev peyv bê hilbijartin. Dîsa yek ji sedeman jî ew bû ku di Kûpaya Cîhanê de Japonyayê tîmên Almanya û Spanya têk birin.
Çendek berê Ferhenga Oksfordê jî peyva xwe ya sala 2022'yan hilbijartibû û eşkere kiribû.
***
Nûçeyên 2022'yan
- Timeê Serokdewletê Ûkraynayê Zelensky wekî “Şexsê Salê” hilbijart
- Va ne rêzefîlmê serketî yên salê
- Oxfordê peyva salê hilbijart
- YouTube strana herî populer eşkere kir
.jpg)
