Diyarname

Hunermend li ber avahiya Wezareta Çandê ya Fransayê hatin ba hev û bang li dinyayê kirin ku pişta kurdan bigirin.

Hefteya çûyî Emine Kara (Evîn Goyî), Mîr Perwer (Mehmet Şirin Aydin) û Abdurrahman Kizil li Navenda Çanda Kurdan a Ahmet Kaya hatibûn kuştin. Îro hunermendên endamên TEV-ÇAND’ê li ser avahiya Wezareta Çandê ya Fransayê hatin ba hev û daxwaza edelatê kirin. Hunermendan pankarta li ser wêneyê hunermendê hatiye kuştin Mîr Perwer hebû  û nivîsa “Awaza azad evîndarê welat Mîr Perwer” hatibû nivîsîn vekirin. Hunermend bi amûrên xwe yên muzîkê beşdanî çalakiyê bûn.

Hunermend Deza Amed bal kişand ser kuştina hunermend Mîr Perwer û zordariyên li ser hunermendan û got, “Ji ber em stranên xwe distrên em tên kuştin, em tên girtin, ji ber vê yekê gelek hunermend hatine Ewropayê bi cih bûne. Mîr Perwer jî yek ji wan bû.”

Hunermendan xwest kuştina her sê kesan ji her hêlê ve bê ronîkirin û bang li Fransa û hemû dinyayê kirin ku pişta kurdan bigirin.