Diyarname

Ew efsane bî û go zey efsane bimano zî. Ma qalê kaykerdoxê fûtbolî yê brezîlî Pele kenê. Pele ke semedê qansêrî hameyne dermankertişî, eyro merd.

Pele 82 sere bî. Çapemenî Brezîlya eşkera kerd ke ew eyro merdo.

Namey êEdson Arantes do Nascimento bî û zey Pele hameyne naskerdişî. Rocê 23.10.1940 de hamebî dinya. Ew semedo şûm hevalanê cê semedê ene şûmî te ra vat “Peli” ke Peli maney şûmî de wo. Malbatey cê bi namey “Pepe” veydayne ci. La zey Pele mend.

Serey 1956 ra heta 1977, maçê ne fermî zî miyan de di 1363 maçan de 1279 golî eyştî û bi ene joy kewt miyanê Pirtûkê Rekoran Guinnessî.

Pele di serey 1958, 1962, 1970 de 3 rey Kûpaya Cîhanî girot. Ew tekane fûlbotkar o ke hîri rey ene kûpa girota. Pele dimay fek fûtbol ra vera da zî qeybî fûtbolî xebetiya. Di miyanê seranê 1995-1998’ian de bî Wezîrê Sporî yê Brezîlya.

Pele par semedê nêweşî qansêrê kolonî nêweşxane de kewt ra, emeliyet bî. Dimay emeliyetî geyra a keye û vat, “Ez zehf kêfweş a ke ez geyrawa a keye. Dûr, nizd ez sipasî şima heminan kena.”

Serê ê de çende notî:

- Di 15 serî xwu de Santos de dest bi kay kerd, 16 serî xwu de tîmo neteweyî yê Brezîlya de kay kerd. 

- Di 17 serî xwu, fînalê Kûpaya Dinya ay 1958’inan de gole eyşte. Bi ene gole bî kaykerdoxo tewr ciwan ê ke Kûpaya Dinya de gole eyşta.

- Hîri rey Kûpaya Dinya ê girota (1958, 1962, 1970). Ew ene het de tekane wo.

- Ê Santos de kay kerd û di ene klûbe de tam 25 kûpay girotî.

- Di sere 2000’î de Pele û Maradona zey Kaykerdoxê Serkewte ê Se Sere hamey weçînayişî.

- Di, di serê peyînî ê fûtbolê xwu de New York Cosmos de kay kerd.

- Di fûtbolê xwe de, di 6 maçan de her maçe de 5 golî eyştî û bi ene joy rekor di destê ê de wo.

- Di 30 maçan de jî her maçe de 4 golî eyştê.

- Tam 92 rey hat-trick kerd.

- Di serey 2013 de FIFA Xelata Rûmete ay Ballon d'Or Prix d'Honneur da ê.