Diyarname

Tûrnûvaya Kûpaya Cîhanê 2022 par li Qatarê li dar ket. Niha FIFA'yê belgefîlmê vê tûrnûvayê saz kir. Di vê tûrnûvayê de 172 gol hatibûn avêtin ku rekor hat şikandin. Niha bi belgefîlmekî ev yek li ber çavan e.

Simon Bisset, Ben Jones, Eddie Mallina-Rourke, Caio Correa derhêneriya belgefîlmê bi navê "Written in the Stars" kiriye.

Di pêşkêşkirina belgefîlm de hatiye gotin ku ev belgefîlm çîroka gelê Qatarê ye ku ji bo mazûvaniya Kûpaya Cîhanê bangî welatên dinyayê kiriye.

Paşê hatiye gotin ku ev yek çîroka hêvî û bêhêviyê ye ku  dema hêzên biquwet di pêşbaziyê de bûn û yên bê hêz bi ser diketin, û ev yek lê zêde kirine, "Ev yek çîroka serketineke dîrokî ye ji bo cîhana ereb. Û yek ji lîstikvanên herî mezin ê dîroka fûtbolê Lionel Messi dê neyê ji bîr kirin ku di maçên nayên ji bîr kirin de Arjantîn gihand serketinê."

Belgefîlmê ku saetek û 34 deqîqe didome li ser hesabê FIFA'yê hatiye belavkirin. Di belgefîlmê ku lîstikvanê ji Gallerê Michael Sheen deng daye de hemû aksiyonên tûrnûvayê, dîmenên ku berê nehatine weşandin û kîteyên din cih digirin.

Ji bo temaşekirinê:
- Written in the Stars

Bi şertê nîşandayîna çavkaniyê her kes dikare nûçe, nivîs û fotoyên Diyarnameyê bikar bîne. Bêyî nîşandayîna çavkaniyê bikaranîna nûçe, nivîs û fotoyên Diyarnameyê qedexe ye.