Diyarname

Bulgaristanê de weçînayiş viraziya û GERB (Qeybî Pêşkewtinî Partiya Hemwelatiyanê Ewropayî) bi ser kewte. Serokê Partî Boyko Borisov heta serey 2021'inan 12 serî desthilatdarî de bî 670 hezar rey girotî û bî yewîn. Partî ê GERB'e 26.51'y reyan girot. Partiya PP-DB (Bedelnayiş Dewam-Demokratîk Bulgaristan) bi sera 24.54 bî diyine.

Bulgaristan de di 2 seran de bî 5 rey weçînayiş virazêno. Di 4 weçînayişê verî enî de hikumet niyame viraştişî. Serokomarê Bulgaristanî Rumen Radev vat ke ez hêvî kena nawey fo hikumet viraziyo.

Bulgaristan de 6 mîlyon û 600 hezar weçînayoxî estê. La tay tenî şinê verê sindoqe û rey erzenê. Ene rey seda 40.63 şiyê rey xwu eyştê.

GERB bî yewîn, PP-DB biya diyin, partiya Vizrajdane (Newera Vecîn) bi seda 14.15 biya hîriyen.

Bulgaristan de partiya tirkan esta ke namey cay "HOH" (Hak ve Ozgurluk Hareketi - Tevgera Heq û Azadî). A partî bi sera 13.72, bi 346 hezar û 437 reyan biya çaremîne. Tirkiya de zî qeybî ene partî rey hamey eyştişî û enî weçînayiyî de Tirkiya de 69 hezar û 978 rey qeybî ay hamey eyştişî.

Partiya komunista verine Partiya Sosyalîst a Bulgaristanî (BSP) rey kerdî vinî û sera 8,94 girote.

ITN zî seda 4.11 rey girote.

Bulgaristan de bendavê weçînayişî sera 4 o, enî partî eşkay bendav derbas bikerê. 

Bulgaristan de parlemene de 240 kursî estê. Encamo fermî 6'ê aşme de go bêro eşkerakerdişî. Ti partî bi qaso bi serê xwu hikumet virazo rey nêgirotî, ê go reyna koalîsyon virazê.