Nûçe-Analîz / Diyarname
Li Amedê afîşa Newrozê ku BDP'ê amade kiribû hat qedexe kirin lê afîşa Walîtî ku ji bo Salvegera Çanakkaleyê hatiye amadekirin serbest e.

BDP'ê ji bo Newroza îsal bi diruşma "An azadî an azadî" bi kurdî afîşek amade kir û li bilboardan daliqand. lê 6'emîn Dadgeha Cezayê Giran a Amedê ew afîş qedexe kirin* û ji bîlboardan daxistin.

Walîtiya Amedê ji bo 96'emîn salvegera Serketina Behrê ya Çanakkaleyê bi kurdî û tirkî afîş amade kir û li bîlboardan daliqand. Walîtî di afîşê de bi tirkî "Kucaklaşmamiz bayramlari olacak' û kurdiya wê wekî "Hembez kirina me, We bibe cejna wan" nivîsî û ew afîş daliqandin.

Û çend xalên derketin holê:
- Afîş ji bo BDP'ê qedexe ye lê ji bo Walîtî serbest e.
- "W"ya kurdî ku Şaredariyên BDP'ê bikar dianî dibû sedema qedexeyan, ji bo Walîtî nebûye pirsgirêk.
- Di kurdiya walîtiyê tîpên "ê" nîn e, herhal ew hê neketiye alfabeya walîtî.
Di dawiyê de gotina dewletê "Sosyalîzm lazim be wê jî emê bînin" hat bîra me.