ŞENGAL

Li Rêveberiya Xweser a Şengalê kongre li dar ket û rêveberiyê Hevserokên Meclisa Giştî, Cîgirên Hevserokatiyê û 101 endamên meclîsê hilbijartin.

Li gor nûçeya Rojnewsê îro li Rêveberiya Xweser a Şengalê îro kongreya xwe li dar xistiye. Kongreya 5'emîn bi diruşma "Bi Xemla Nîsanê Emê Şengalê Ava Bikin, Xweseriyê Mîsoger Bikin" hatiye li dar xistin.

Di kongrê de pêkvejiyana gelên Şengalê û Deşta Nînowayê li ser fikrê neteweya demokratîk, mîsogerkirina statuya Şengalê û pergala Rêveberiya Xweser, pêşxistina parastina cewherî li ser esasê Xwe Ji Fermanê Biparêze, têkoşîna li dijî xiyanet û sîxurtiyê nîqaş bi rê ve birine.

Di kongrê de, Hevpeymana Civakî ya Rêveberiya Xweser a Şengalê û Rêziknameya wê hatiye xwendin û piştî xxwendin û nîqaşan bi dengdayîna delegeyan hatiye qebûlkiri.

Dûre hilbijartin çêbûye û Cîhan Celo û Nayîf Şemo wekî Hevserokên Meclisa Xweseriya Demokratîk a Şengalê hatin hilbijartin. Ji bo cîgirên Hevserokatiya Meclîsê; Hisên Sado û Xoxê Dexîl hatin hilbijartin.

Her wiha 101 endamên Meclîsa Gel ên ku ji nûnerên meclisên gundan, nûnerên pêkhateyên Şengalê, nûnerên sazî û dezgehên Şengalê pêk tê di kongrê de hatin erêkirin.

Her wiha di kongreyê de biryar hatiye girtin ku ji bo  fermana 03.08.2014'an, hem li Iraqê hem jî di qada navnetevî de wekî jenosîd were qebûl kirin kar û xebat bên meşandin.

Dîsa biryar hatiye girtin ku Şengal ji bo wekî herêmeke xweser were qebûl kirin bi hemû aliyan re hevdîtın û diyalog were çêkirin.