Amed

Li Amed, Mêrdîn, Sêrt, Çêwlîg, Wan, Şirnex, Êlih, Dîlok, Riha, Bursa, Stenbol, Îzmîr, Mêrsîn, Mûş, Bedlîs, Culemêrg, Osmaniye, Sêwas, Meletî, Semsûr û Enqedeyê polîsan bi ser gelek malan de girtin.  Heta niha gelek rojnameger, şanoger, muzîkar, siyasetmedar hatin binçavkirin. Qala lîsteyeke dor 150 kesî re tê kirin. Îdîa "Endamtiya Rêxistinê" ye.

Heta niha navên diyar bûne ku hatine binçavkirin ev in:

ROJNAMEGERÊN HATINE BINÇAVKIRIN

- Xwediyê Îmtiyazê yê rojnameya Xwebûnê Kadri Esen

- Ji Ajansa Mezopotamyayê Abdurrahman Gok, Ahmet Kanbal, Mehmet Şah Oruç

- Berpirsê Karên Nivîskaran ê rojnameya Yeni Yaşamê Osman Akin

- Rojnameger Mehmet Yalçin, Mikail Barut, Salih Keleş, Remzi Akkaya, Arif Akkaya

- Nûçegîhana Jinnewsê Beritan Canozer

PARÊZERÊN HATINE BINÇAVKIRIN

- Hevseroka OHD'ê ya Amedê parêzer Halise Dakali, parêser Resul Tamur, Ozum Vurgun, Bunyamin Şeker, Berdan Acun, Pirozhan Karali

- Şêwirmendê çapamenî yê Hevseroka DBP'ê Saliha Aydeniz Sezen Mercan

- Ji TJA'yê Maria Oztopuz
- Di nav kesên hatine binçavkirin de ev mamoste û kedkarên zimanê kurdî jî hene: Rifat Ronî, Nesîb Gultekîn û Osman Çetînkaya

HUNERMENDÊN HATINE BINÇAVKIRIN

Polîsan bi ser saziyên çandî de jî girtin. Xebatkarên Şanoya Bajêr a Amedê, Komeleya Çand û Hunerê ya Dîcleyê, Komeleya Çand û Hunerê ya Mezopotamyayê, BKM'ê jî hatin binçavkirin. Yên ku navên wan diyar bûye ev in:

RIHA

- Endamê OHD'ê parêzer Metin Ozbadem

- Siyasetmedar Halil Delen, Havva Bildik, Habat Mimkara

Li aliyê din bi ser mala Xwediyê Ajansa Mezopotamyayê Ferhat Çelik de jî girtine lê ji ber ku ne li mal bû nehatiye binçavkirin.

Cîgirê Serokê Baroya Amedê Mehdi Ozdemîr gotiye ku dor 150 kesî hatine binçavkirin.

Komeleya Hiqûqnasên ji bo Azadiyê (OHD) jî bi ser tora civakî re eşkere kir ku ji bo 24 saetan astengî danîne ser dosyayê.