Diyarname

Astronot Sultan Al Neyadî ku ji Mîrekiya Erebên Yekbûyî ye li fezayê meşiya û bi vê yekê bû yekem astronotê ereb ku diçe fezayê.

Astronot Sultan AL Neyaî di meha adarê de beşdarî ISS'ê (Stasyona Fezayê ya Navneteweyî) bû û dest bi xebatê kir. 

Astronot Sultan Al Neyadî ligel astronotê NASA'yê Steve Bowen li fezayê meşiya. Meşa wan 30 deqe dom kir. Bi vê Al Neyadî bû yekemîn astronotê ereb ku li fezayê dimeşe. Di meşê de her du astronot ji bo xurtkirina jeneratorên ISS'ê xebitîn.

Al Nayadî ji ber navê xwe bi navê "Siltanê Fezayê" hat bi nav kirin. Ewê 6 mehan di ISS'ê de bixebite. Bi vê yekê dê bibe erebê ku demek herî dirêj li fezayê maye. Al Neyadi duyemîn astronotê ji Mîrekiya Erebên Yekbûyî ye ku çûye fezayê. Mîrektî ji bo Cejna Remezanê peyamek taybet ji bo wî belav kiribû û ew pîroz kiribû.

Al Neyadî yê 41 salî li Îngilistanê perwerdehiya elekrotîk û endazyariya ragihandinê dîtiye.

Mîrektiya Erebên Yekbûyî di salên dawî de zêde bala xwe daye xebatên fezayê. Wan di sala 2021'ê de roketa bê mirov şandibû Marsê, par jî şandibû Hîvê.

Serokwezîrê Mîrektiyê Mihemed bin Reşîd El Mektûm di rezbera 2018'an de navê du astronotan eşkere kiribû: "Hazza Al Mansouri û Sultan Al Nayadi. Wî gotibû "Sultan û Hazza hemû ciwanên ereban temsîl dikin."