Diyarname

Em qala tîma Manchester City (MC) dikin. MC ku di lîga mezin a Îngilistanê Premier Lîgê de bû şampiyon û kûpaya xwe girt, îro jî di FA CUP'ê de bi ser ket û kûpa girt. Di rêzê de Fînala Lîga Şampiyonan heye.

Maça fînalê ya FA Cupê îro li Stada Wembley a Londonê hate lîstin. Du tîmên Manchesterê Manchester United (MU) û Manchester City hatin hemberî hev.

MU ku lîg di rêza sêyemîn de temam kir dixwest ev dûyemîn kûpaya mezin a Îngilistanê bi dest bixe. Her ku MC ye, piştî lîgê dixwest îsal duyemîn kûpaya xwe bibe mala xwe.

Ji aliyê tîman ev MC astek bi ser MU re bû. Maçê bi vî awayî dest pê kir. MC ku bi lez dest bi maçê kir û hê di deqîqeya yekem de bi gola Ilkay Gundogan 1-0 derket pêş. Gola ku di sanîyeya 13'yan a maçê de hat avêtin di dîroka FA Cupê de wekî gola her bi lez hatiye avêtin hat qeydkirin û bû dîrok. MU'yê di deqîqeya 33'yan de bi penaltiya ku Bruno Fernandes avêt encam anî wekheviyê. Lê gotina dawî de di deqîqeya 51'ê de dîsa ji Ilkay Gundogan hat: 2-1.

Bi vê encamê MC bû 7 caran vê kûpayê dibe muzeya xwe. Li Îngilistanê herî zêde Arsenalê FA Cup biriye mala xwe; 14 caran.

MC herî dawî di sala 2018-19'an de herî dawî hem Kûpaya Lîgê, hem FA Cup biribû mala xwe. Teknîk Dîrektorê MC'yê Pep Guardiola piştî Arsene Wenger (1997-98, 2001-02), Sir Alex Ferguson (1993-94, 1995-96) bû sêyemîn teknîk dîrektor ku li Îngilistanê heman salê du kûpayan digire.

DEMA FÎNALA MEZIN E

MC niha li ser finala Kûpaya Lîga Şampiyonan a UEFA'yê difikire. MC ku ligel Interê derketiye fînala vê maçê 10'ê mehê li Stenbola Tirkiyeyê dê bilîze. Helbet dê bixwaze vê kûpaya mezin bibe mala xwe.