Diyarname
Li gelek welatan û bajaran 1 Gulan hat pîrozkirin lê ecêba herî mezin li Batmanê li dar ket.

Wekî gelek bajaran li Batmanê jî Roja Kedkarên Cîhanê 1 Gulan hat pîrozkirin. Komîteya amadekar pankarta ku  wêneyê karkerek li ser e û zincîran diqetîne saz kir û ber bi Qada Komarê ku dê 1 Gulan li wir li dar biketa ve meşiyan. Lê polîsan pêşî li girseyê girt. Polîsan kesê di wêneyê de şiband Serokê PKK'ê Abdullah Ocalan û nehişt parkartê bibin. Piştî gelek nîqaşa di navbera polîs û amadekarên pîrozbahiyê de di dawiyê de destûr hate dayîn û pankar li qadê, li pişt platformê hat daliqandin.
Mebûsê BDP'ê yê Stenbolê Sirri Sureyya Onder di axaftina xwe de henekên xwe bi polîsan kir û got: "Binêrin ji bo pankarteke li vir hêzên ewlehiyê qeyran derxistin holê. Ew pankart şibandine Ocalan. Ev cejn herî zêde jî cejna kurdan e. 4 mîlyon mirov di şevekê de koç kiri, bê mal û war hiştin. Ev kurdên çûn metropolan keda xwe kirin sermiyan û li wir bi cih bûn. Ka bibêjin, ev cejn ne ê kurdan e ê kî ye? Ger karkerên demsalê nebin li Behra Reş findik, li Nevşehîrê kartol li erdê dê bimînin."

Digel Onder, mebûsa BDP'ê ya Batmanê Ayla Akat Ata jî amade bû.

***

Nûçeyên eleqedar:

- Li Dinyayê 1 Gulan

- Bajar bi bajar pîrozbahiyên 1'ê Gulanê

- Li Taksîmê cih nema!