Diyarname

51'emîn Festîvala Muzîkê ya Stenbolê ku ji aliyê ÎKSV'ê (Weqfa Çand Hunerê ya Stenbolê) ve tê organîzekerin hefteya pêşiya me bi dawî dibe.

Festîvala muzîkê roja 1'ê vê mehê dest pê kiribû 17'ê mehê bi dawî bû lê ji ber eleqeyê konsereke wê 5'ê mehê tê pêşkêşkirin û bi vê konserê bi dawî dibe. Konsera dawîkirina festîvalê li Salona Turk Telekom Opera ya  

Ataturk Kultur Merkezi li dar dikeve. Di vê konserê de du hunermend dê hunera xwe pêşkêş bikin. Piyanîst Fazil Say û Serenad Bagcan bi konsera ku navê "Dinya Dayik" lê kirine dê pêşberî muzîkhezan bin. Say li ser daxwaza festîvalê ev berhem amade kiriye û têde ji berhemên helbestvan û nivîskarên ji wêjeya tirkan sûde girtiye. Konsera ku li Harbiyeyê hatibû pêşkêşkirin û gelek eleqe dîtibû, niha wekî konsera dawî ya festîvalê carek din tê pêşkêş kirin.

25 HEZAR TEMAŞEVAN 

Di festîvala îsal de 24 konser hatin pêşkêşkirin. Ji Tirkiye û ji welatên din dor 60 muzîkarî hunera xwe pêşk^şe kirin. Ji konsera 8 jê promiyera dinyayê, 4 jê jî promiyera Tirkiyeyê li dar xistin. Îsal dor 25 hezar temaşevan li festîvalê bûn mêvan û li konserên festîvalên temaşe kirin.

XELATÊN ÎSAL

Festîvala ku her sal xelatê dide kesên ked dane muzîkê îsal Xelata Rûmetê da bestekar û perwerdekar Hasan Uçarsu. Xelata Serketina Di Hemû Jiyanê De jî da vîrtuoza kemanê ya li dinyayê navdar Anne-Sophie Mutter. Mutter 13'ê mehê berî konsera wê ya li AKM'ê xelata xwe girt. Festival salek din dîsa di meha pûşperê de wê li dar bikeve.