Îzmîr 

Jîn Art Hunerê ji bo 25’ê Sermawezê Roja Têkoşîna Dijî Şîdeta Li Ser Jinan a Navneteweyî li Dêra Azîz Vukolos a li semta Basmaneya navçeya Konaka Îzmîrê konserek li dar xist. Dengbêj Xalîde, Mewlûde, Îpek, Evîn Sindî û Eylul Nazlier derketin ser dikê. Eleqeyeke mezin ji bo konserê hebû û gelek kesî jî ji ber cih tunebû li ser lingan li konserê temaşe kir.

Peywirdara organîzasyona Jîn Art Hunerê Mehtap Şahîn berî konserê axivî got ku tevî şertên hewayê salon hatiye tijekirin û kêfxweşiya xwe anî ziman. Dengbêj Xalîde jî got ku ew tunehesibandina jinan qebûl nakin û wê hem bi fikr û hem jî bi têkoşînê li dijî vê yekê bin. Xalîdeyê ji bo hemû kesên hatine jî spasiyên xwe kir. Dûre dengbêjan klamên xwe pêşkêşî temaşevanan kirin.
MA

**

Nûçeya Eleqedar:

- Ji her cure şîdetê re na