Diyarname

Yek ji beşa xelatên Oscarê jî "Xelata Fîlmê Herî Serketî ê Navneteweyî" ye. Niha fîlmên ji bo vê beşê hatibû şandin di Sînemaya Îstanbul Modernê de vê mehê têne nîşandayîn.

Di bernameya ku navê "Oscar'in Yabancilari" (Oscarên Biyanî) lê kirine de 10 fîlm hene. Di vê çarçoveyê de di navbera 15-25'ê reşemiyê de ev 10 fîlm dê bêne nîşandayîn. Kuratora Sînemaya Îstanbul Moderngê Muge Turan wisa gotiye, "Ev sala 10'emîn e ku em vê beşê li dar dixin. Bernameya Oscarên Biyanî, fîlmên ku ji bo beşa bi navê xwe yê berê 'Fîlmê Herî Serketî yê bi Zimanê Biyanî' hatine şandin hene ku hemû bi heyecan in û her yek erdnîgarî û çandên cuda temsîl dike"

Fîlmê “Evîna Şefan” li ser navê Fransayê bû berendamê Oscarê. Fîlmê ku par li Cannesê Xelata Derhênerê Herî Serketî girtibû, yek ji fîlmên ku di nav bernameyê de ye. Welatê Bhutan yekem car fîlmekî şandibû ji bo Oscarê, “Keşe û Çek”. Ew jî fîlm jî li nav bernameyê ye. Ligel van fîmkê İlker Çatak “Odeya Mamosteyan” ku li ser navê Almanyayê bûbû berendam jî dê bê nîşandayîn. Û fîlmê ji Sîngapurê “Cemedê Şikiyayî” ku li Cannesê hatibû nîşandayîn jî li Sînema Modern e.