Diyarname

Xelatên Oscarê ên îsal hatin belavkirin. Fîlmê derhêner Cristopher Nolan ê bi navê "Oppenheimer" 7 xelat girtin û mohra xwe li şevê da.

Merasima Xelatdayîna Oscarê li Dolby Teatre ya li Los Angelesa DYA'yê li dar ket. Fîlmê "Oppenheimer" Xelata FîlMê Herî Serketî jî têde di 7 waran de xelat girt. Derhênerê fîlm Christopher Nolan xelata Derhênerê Herî Serketî, serlîstikvanê fîlmî Cillian Murphy jî xelata Lîstikvanê Herî Serketî girt.

Lîstikvan Emma Stone bi rola di fîlmê "Poor Things" de xelata Lîstikvana Herî Serketî girt. Stone, di sala 2017'an de jî bi rola di fîlmê "La La Land" de xelat girtibû û bû du caran Oscarê dibe mala xwe.

Belgefîlmê "20 Days in Mariupol" Xelata Belgefîmê Herî Serketî girt. Derhênerê belgefîlmî, rojnamegerê ji Ûkraynayê Mstyslav Cherno got, "Di kêliya ku ez vê xelatê digirim de belkî ez yekem kes e ku dibêjim 'Xwezî pêdivî bi kişandina tiştek wisa neba û min jî xelat negirtina'." Mstyslav di heman demê de berê Xelata Pulitzer jî girtibû.

Li aliyê din fîlmê ji Kraliyeta Yekbûyî "The Zone of Interest" xelata Fîlmê Serketî yê bi Zimanê Biyanî girt.

Va ne hemû xelatên hatine belavkirin:

- Fîlmê Herî Serketî: Oppenheimer

- Lîstikvana Herî Serketî: Emma Stone (Poor Things)

- Lîstikvanê Herî Serketî: Cillian Murphy (Oppenheimer)

- Derhênerê Herî Serketî: Christopher Nolan (Oppenheimer)

- Lîstikvana Duyemîn a Herî Serketî: Da’vine Joy Randolph (The Holdovers)

- Lîstikvanê Duyemîn ê Herî Serketî: Robert Downey Jr. (Oppenheimer)

- Fîlmê Navneteweyî yê Herî Serketî: Zone of Interest (Îngilistan / Derhêner Jonathan Glazer)

- Vesazkirina Herî Serketî: Oppenheimer (Jennifer Lame)

- Anîmasyonê Herî Serketî: The Boy and the Heron (Hayao Miyazaki, Toshio Suzuki)

- Sînematografiya Herî Serketî: Oppenheimer (Hoyte van Hoytema)

- Kurtefîlmê Herî Serketî: The Wonderful Story of Henry Sugar (Derhêner: Wes Anderson)

- Belgefîlmê Metrajdirêj ê Herî Serketî: 20 Days in Mariupol (Derhêner Mstyslav Chernov)

- Kurtebelgefîlmê Herî Serketî: The Last Repair Shop (Derhêner Ben Proudfoot û Kris Bowers)

- Muzîka XWeser a Herî Serketî: Oppenheimer (Ludwig Goransson)

- Strana orjînal a Herî Serketî: Barbie ("What Was I Made For?" - Billie Eilish, Finneas O'Connell)

- Kurteanîmasyonê Herî Serketî: War Is Over! Inspired by the Music of John & Yoko (Dave Mullins ve Brad Booker)

- Dengsazkirina Herî Serketî: Zone of Interest (Tarn Willers û Johnnie Burn)

- Kostuma Herî Serketî: Poor Things (Holly Waddington)

- Sazkirina Por û Makyajê ya Herî Serketî: Poor Things (Nadia Stacey, Mark Coulier û Josh Weston)

- Sazkirina Produksiyonê ya Herî Serketî: Poor Things (James Price û Shona Heath)

- Efektra Dîtbarî ya Herî Serketî: Godzilla Minus One (Takashi Yamazaki, Kiyoko Shibuya, Masaki Takahashi û Tatsuji Nojima)

- Senaryoya Lêanînê ya Herî Serketî: American Fiction (Cord Jefferson)

- Senaryoya Taybetê a Herî Serketî: Anatomy of a Fall (Justine Triet û Arthur Harari)