Diyarname

Amed Spor ku hedefa wê şampiyonî ye îro li mala xwe bi 5-2 bi ser ket. Hefteya pêşiya me diçe mala reqîbê xwe yê sereke.

Amed Spor di Lîga 2'yemîn Koma Sor de dilîze. îro li mala xwe tîma Înegola Bursayê kir mêvan. Amed Sporê bi 5-2 mêvanê xwe şand mal. Golên Amed Sporê Berk İsmail Unsal (Dq 12 û 52), Mert Çapar (Dq 14 û 47) û Ugur Adem Gezer (Dq 25) avêtin. Bi vê pûanên xwe derxistin 74'an. 

Tîma duyemîn û reqîbê herî mezin ê Amed Sporê Kastamonu ye ku Kastamonu li Derinceyê îro wekhev ma: 0-0. Bi vê yekê Kastamonu 71 pûanî de ma.

Hefteya pêşiya me, 14'ê mehê saet 15.00'an de Amed Spor diçe Kastamonuyê. Ji bo bidawîbûna ligê de 4 hefte mane. Maça herî girîng jî ev maça Amed Spor û Kastamonuyê ye.

Ger Kastamonu bi ser bikeve, pûanên herduyan dibin yek lê avaraj dikeve destê Kastamonu. Ger wekhev bimînin, pûan naguherin, lê ger Amed Spor bi ser bikeve ferq dê derkeve 7 pûanan û ji wê rojê de Amed Spor dikare şampiyonî ragihîne.