Diyarname
6’emîn Pêşbaziya Çîrokan a Abdullah Duran ku ji aliyê Egîtîm-Sena Amedê ve tê lidar xistin dest pê kir. Kesên bixwazin beşdar bibin divê heta 30.11.2012’yan berhemên xwe bişînin ber destê komîteya amadekar.

Abdullah Duran zarokekî kurd bû ku li Amedê bi guleya hêzên ewlekariyê hat kuştin. Egîtîm-Sena Amedê jî ev 6 sal in ji bo bîranîna Duran pêşbaziya çîrokan li dar dixe. Berhema ku bibin yekemîn dê hezar TL, ya duyemîn 750 TL û ya sêyemîn jî dê 500 TL wekî xelat digel plaketek bigire. Her wiha dê xelatên mansiyonê jî bêde dayîn.
Pêşbazî bi du zimanan, bi tirkî û kurdî (bi kurdî jî bi zazakî û kurmanckî)  li dar dikeve.
Endamên juriyê yên kurmancî ji Mem Bawer, Serwet Deniz, Omer Fidan, Mehmet Çakmak, Rênas Jiyan, Ronî War, Bedran Hîkmet û Osman Ozçelik pêk tê. Endamên juriyê yên beşa kirmanckî jî Cafer Yamiş, Heyder Diljen, Suleyman Yilmaz, Mahmut Yoruk û Muzaffer Ozdemîr in. Her wiha endamên juriyê yên beşa tirkî jî Yavuz Ekinci, Murat Ozyaşar, Migirdiç Margosyan, Omed Polat, Gulsum Cengiz û Vecdi Erbay in.
Di mijar û awayê çîrokê de beşdar azad in, dibe ku çîrok ji bo zarokan an mezinan nivîsî be, lê daxwaz hatiye kirin ku ger mimkûn be bi rêya înternetê, yan jî bi flaş dîskekê bigihîje ber destê komîteya amadekar dê ji bo wan baş be. Beşdar di her zimanî/zaravayî de bi çîrokek dikarin beşdar bibin. Her wiha heta 30’ê sermawezê de divê çîrok gihîştibin ber destê komîteyê. Encamên pêşbaziyê dê 15’ê adara 2013’yan de bê eşkerekirin û di 29’ê adara 2013’yan jî bi merasimekê dê xelat bêne dayîn.

Ji bo kesên eleqedar navnîşan:
Egîtîm-Sen Diyarbakır Şubesi, Kalencer Center, Kat 6, No: 9, Yenişehir Amed
Tel: 0412 2232754- 0505 4823050- 0533 6358652  
E-Mail : abdullahduranoyku@hotmail.com

***