Amed
Verfekê Platformê Ziwanê Kurdî Şerefxan Cizîrî verî panelê “Ziwanê Kurdkî û Mekaqanûno Newe” xeberî da û vat ke ziwanê kurdî bakur de binê talûkeyê vinîbiyayişî de wo.
Platformê Ziwanê Kurdkî panelêke bi namey “Ziwanê Kurdî û Mekaqanûna Newî” viraşt. Ziwanzan û nuştox Malmîsanij, Mebûsa DEM Partî ay Mêrdînî Bêrîtan Guneş, hiqûqnas Mehmet Emîn Aktarî panel de xeberî da.
Verfekê Platformê Ziwanê Kurdkî Şerefxan Cizîrî verî panelî xeberî da û veyndan partî û saziyanê kurdan ke xebatanê xwu bi kurdî bikerê. Cizîrî vat, "Platformê Ziwanê Kurdî wazeno ziwanê kurdî di qadê siyasî û civakî de krîtero verîn bo.. Ziwan qeybî miletê kurdî peywiro neteweyî yo, ehlaqî û hebûney ma bi xwu wo. Ziwan û mafê neteweyî ser o polîtîkaya kurdan hamiya têhet, biya yew. Ene rastî gere baş bêro vînayişî. Semedê ene yewî, gere ma heme bi yew vengî vacin; ziwanê kurdî, hebûney kurdan, nasname û tacey kurdan o."
Dimay xeberdarî ra dest bi panelî kerd.