Diyarname
12 baroyên bajarên kurdan li ser rewşa Bendava Tişrînê daxuyanî dan û gotin, "Bila aktor û civaka navneteweyî bikeve nava tevgerê."

Ev nêzî 50 roj in li der û dora Bendava Tişrînê pevçûn didomin. Ev deh roj in gelê sivîl li ser bendavê çalakiya parastina bendavê li dar dixin. Heta niha çend caran balafirên Tirkiyeyê êrîşê wir kirin û hin sivîl hatin kuştin. Herî dawî di êrîşa roja 18'ê mehê de şanoger Bavê Teyar (Cuma Xelîl Îbrahîm) jî di nav de 6 sivîl mirin. 

Li ser vê vê yekê baroyên Amed, Agirî, Batman, Culemêrg, Îdir, Mêrdîn, Mûş, Riha, Semsûr, Sêrt, Şirnex û Wanê daxuyaniya nivîskî belav kir.

Di daxuyaniyê de li ser kuştina van 6 sivîlan û birîndarbûna 15 sivilan hatiye sekinîn û wisa hatiye gotin, "Ev êrîşa dijî sivîlan binpêkirina mafên hiqûqî ya navneteweyî ye. Di serdema pevçûnê de parastina sivîlan berpirsiya navneteweyî ye. Li gor Peymana Cenevreyê û hiqûqa mirovî gere ew bêne parastin. Mirina sivîlan aliyek de çareseriya bi rêbaza aştiyena dixe nava zehmetiyê, li aliyek jî dibe sedema travmayên cidî. Em Baroyên Herêmê ku vê metnê îmze dikin, li ser mirina sivîlên li Bakur û Rojhilatê Sûriyeyê bang li aktor û civaka navneteweyî dikin ku bikeve nava tevgerê."
 

**

Nûçeyên Eleqedar:

- Şanoger Bavê Teyar ê birîndar bûbû canê xwe ji dest da

- Hevseroka PYD'ê ya Qamişloyê li Tişrînê hat kuştin