Diyarname
Komeleya Lêkolînên Çand Dîrok û Wêjeya Devkî ‘SOZDER’, ji bo 21’ê Reşemî Roja Zimanê Zikmakî ya Cîhanî li gelek bajar û navçeyan belavokên hişyariya zimanî belav kir.
Belavoka bi ser navê zimanê zikmakî û bi du zimanî hatibû amade kirin, ji aliyê rêveber û endamên SOZDER’ê ve li gelek bajar û navçeyên ku şaxên SOZDER lê heye hat belav kirin. Li Mêrdîn, Qoser, Dêrik, Şemrex, Edene, Riha, Stenbol, Îzmîr û gelek navçeyên ku endamên Sozderê lê bi cih bûn, li sikak, bazar û esnafan hate belav kirin.
Hevserokê SOZDER’ê nivîskar Eyup Guven li ser ev xebata wan got: “Zimanê zikmakî, bi taybetî zaravayê kurmancî û zazakî li Tirkiyeyê di bin xetereyeke mezin de ye. Îro em li ziman xwedî dernekevin, wekî rapora UNESCO’yê ku tê diyar kirin, wê zimanê me jî ligel wan zimanan winda bibe. Bo vê divê her qad û warî em bikin roja zimanê kurdî, biparêzin û lê xwedî derkevin. Ev bar pêşî dikeve ser milê saziyên kurdewarî û pê re erka me tevan e ku ji bo ziman di bin nîrê pisaftinê de winda nebe, bi her awayî bikar bînin û bikin zimanê dan û stendin, perwerdehî û qada teknoliyê.”
Hevserokê SOZDER’ê Guven di berdewamiya axaftina xwe de da zanîn ku xebatên ziman tenê di pîrozbahiyên Roja Zimanê Zikmakî ya Cîhanî de nahêlin û her dem û wextê bi xebatên xwe yên SOZDER’ê li zimanê kurdî xwedî derdikevin û dê xwe bigihînin nava tevahî beşên civakê.

ÇALAKIYÊN ROJA ZIMAN:
Ji bo 'Roja Zimanê Zikmakî' çi çalakî hene? Va ye lîste

**

Nûçeyên Eleqedar:

- KNK: Gere em zimanê xwe biparêzin û bi pêş ve bibin

- Tuncer Bakirhan, Nêçîrvan Barzanî û Mesrûr Barzanî peyam belav kirin

- Rocê Ziwanî / Roja Ziman

- 'Dengbêj ne tenê deng didin klaman, erka saziya perwerdehiyê jî bi cih tînin'

- Ji bo 'Roja Zimanê Zikmakî' çi çalakî hene? Va ye lîste

- Jinan ji bo ziman vîdeoyek amade kirin (vîdeo)

- 19 saziyan ji bo ‘Roja Zimanê Zikmakî’ daxuyanî da

- Li Peyasê bernameyeke taybet ji bo ‘Roja Zimanê Zikmakî’

- Amed, di Roja Zimanê Zikmakî de hin çalakî