Diyarname
57'emîn merasima xelatdayîna Xelatên Siyadê (Komeleya Nivîskarên Sînemayê) li Sinemaya îstanbulmodernê li dar ket. Di şevê de fîlmê Murat Firatoglu "Hemme'nin Oldugu Gunlerden Biri" (Rojek Ji Rojên Hemme Mir) mohra xwe li şevê da. Fîlmî Xelata Fîlmê Herî Serketî, Derhênerê Herî Serketî û Senaryoya Herî Serketî girt.

BAL KIŞANDIN SER QEDEXEYA FÎLMÊ KAZIM OZ
Lîstikvan Nur Suer ku xelata Lîstikvana Herî Serketî girt, got, "Fîlmê Kazim Oz hat qedexekirin. Çend roj berê me li ber Saziya Mafên Telîfê çalakî li dar xist, hejmara polîsan ji ya me zêdetir bû. Ez dixwazim vê ji bo sînemageran bejim." Li aliyê din endamê Siyadê Eyup Boz ku ji bo dayîna xelatdayîna Derhênerê Dîmenê yê Herî Serketî derket ser dikê, wî jî bal kişand ser qedexeya ji bo fîlmê Kazim Oz û got, "Fîlmê me hat qedexekirin. Gere em vê yekê hê zêdetir bînin rojevê."

XELATÊN RÛMET Û KEDÊ
Di şevê de Xelata Rûmetê dan derhêner Şerîf Goren, Hale Soygazî û Xelata Kedê jî dan Nîda Karabol û Muzaffer Hîçdurmaz. Berî ku Goren bimire xelat bo wî hatibû diyarkirin, lê ew mir. Li ser vê wî jina wî û kurê wî xelat girt. 

'KERBORAN' HAT XELATKIRIN
Lîstivan Alp Oyken jî bi rola di fîlmê "Buyuk Kuşatma" de xelata Lîstikvnê Herî Serketî girt. Derhêner Berke Baş ku bi belgefîlmê xwe "Dargeçit" çîroka windakirina kurdên li Kerboranê anîbû ziman, Xelata Belgefîlmê Herî Serketî girt.
Di Şeva SIYAD'ê de xelat hatin belavkirin û düre mevan derbasî cihê kokteylê bûn.

Nur Surer dema xelat girt bal kişand ser qedexeya li ser fîlmê Kazim Oz.

Va ne xelatên hatin belavkirin:
- Fîlmê Herî Serketî: Hemme'nin Oldugu Gunlerden Biri
- Derhênerê Herî Serketî: Murat Firatoglu (Hemme'nin Oldugu Gunlerden Biri)
- Senaryoya Herî Serketî: Murat Firatoglu (Hemme'nin Oldugu Gunlerden Biri)
- Xelata CAHİDE SONKU ya Lîstikvana Herî Serketî: Nur Surer (Mukadderat)
- Lîstikvanê Herî Serketî: Alp Oyken (Buyuk Kuşatma)
- Lîstikvana Duyemîn a Herî Serketî: Asiye Dinçsoy (Buyuk Kuşatma)
- Lîstikvanê Duyemîn ê Herî Serketî: Can Bartu Arslan (Yurt)
- Fîlmê Herî Serketî yê di Platforma Dijitalde hatiye nîşandayîn: Faruk (Derhêner: Asli ozge)
- Fîlmê Herî Serketî yê Navneteweyî yê di Platforma Dijitalde hatiye nîşandayîn: Fallan Leaves (Sararmiş Yapraklar / Pelên Zerbûyî), derHêner Aki Kourismaki
- Fîlmê Navneteweyî yê Herî Serketî yê Ketiye Vîzyonê: Zone of Interest (İlgi Alani / Qada ELeqeyê), derhêner Jonathan Glazer
- Derhênerê Dîmenê yê Herî Serketî: Florent Herry (Yurt)
- Muzîka Herî Serketî: Ekin Fil (On Saniye)
- Vesazkirina Herî Serketî: Ayris Alptekin (Yurt)
- Derhênera Dîmenê ya Herî Serketî: Natali Yeres (Buyuk Kuşatma)
- Belgefîlmê Herî Serketî: Dargeçit (Derhêner: Berke Baş)
- Kurtebelgefîlmê Herî Serketî: Zarafet ve Şiddet Arasinda (Derhêner Şirin Bahar Demirel)
- Kurtefîlmê Herî Serketî: Neredeyse Kesinlikle Yanliş (DerhênerCansu Baydar)
- Xelata Giovanni Scogramillo yê Fîlmê Fantastik: Cenaze (Derhêner Orçun Behram)
- Xelata Ahmet Uluçay a Hêviyê Dide: Umut Şilan Ogurlu (bi fîlmê "Dilan Hakkinda Konuşmaliyiz" girt)

***
Nûçeyên Eleqedar:

- Siyad wê Xelatên Rûmetê û Kedê bide wan

- Berendamên Siyadê: ‘Tereddut Çizgisi’ û ‘Yurt’ li pêş in

- Siyadê berendamên belgefîlm, kurtefîlm û fîlmên fastastîk eşkere kirin

- Siyadê ‘Fîlmê Herî Serketî yê Navneteweyî’ hilbjartin