Dîmena dema binçavkirina Lahûn Şêx Cengî û dîmena pevçûnê...

Diyarname
Duh êvarê de li Silêmanî asayîşê dora Hotela Lalezar girtibû, ku Serokê Bereya Gel Lahûr Şêx Cengî lêbû. Biryar dabûn ku ketin û derketina Silêmanî qedexe be. Vê danê sibê piştî pevçûnan Lahûr Şêx Cengî û birayên wî Polad Şêx Cengî û Aso Şêx Cengî hatin desteserkirin.

Li gor agahiyên hatine, Hêzên ewlehiya Silêmanî xwestin Cengî teslîm bibe, lê ev yek hatiye redkirin. Destê sibê saet dor 3'yan di navbera hêzên alîgirên Şêx Cengî û hêzên ewlehiyê de pevçûn derketiye. Heta destê sibê ev pevçûn dom kiriye. Vê sibê ew her sê hatine binçavkirin. Tê îdîakirin ku Polad Şêx Cengî birîndar hatiye binçavkirin.
Tam encama zelal a pevçûnê hê nehatiye eşkere kirin, lê li gor agahiyên hatine belavkirin 3 kesan di pevçûnê de canê xwe ji dest dane: Arî Şêx Suad Talebanî (ji Dijîterorê ya Silêmaniyê), Diyar Serdar Hekîm (ji Hêza Kmando ya Silêmaniyê), Sermend Elî (ji Hêza Operasyonan a Silêmaniyê).

Li gor çapemeniya YNK'ê serleşkerê hêzên girêdayî Cengî yê bi navê Rêbiwar Hemîd Hecî jî hatiye desteserkirin.

'DER BARÊ CENGÎ DE TAWAN HENE'
Emîd Aram Mihemed ku Rêveberê Polîsê Silêmaniyê ji bo Pukmedia'yê gotiye: Dadgeha Lêpirsînê ya Asayîşê ya Silêmaniyê li gorî Madeya 56 ya Yasaya Sizaya Îraqê, fermana girtinê li dijî Lahur Şêx Cengî û hejmarek tawanbarên din derxistiye."

Barzanî: Pevçûna li Silêmanî zirarê dide Herêma Kurdistanê
Serokwezîrê Herêma Kurdistana Federe Mesrûr Barzanî li ser pevçûna li Silêmanî peyamek belav kir û got ku ev pevçûn zirarê dide ewlehî û îstîkrara Herêma Kurdistanê.
Berzanî banga rawestandina pevçûnan da û got, bila pirsgirêk û nelihevkirin bi rêyên hiqûqî bê çareserkirin.

Gelek alîgirên Şêx Cengî hatine desteserkirin. Foto ji Pukmediayê hatiye girtin

**

Nûçeya Eleqedar:

- Dixwazin Lahûr Cengî bigirin bin çavan / Lahûr Şêx Cengî kî ye?