Diyarname
Rêxistina Efûyê ya Navneteweyî ya Avusturyayê bang li dewleta Îranê kir ku bêyî şert û merc Şerîfe Mihemedî berdin.

Şerîfe Mihemedî di sala 1979'an de li Ûrmiyeyê hatiye dinê. Ew çalakgereke mafên mirovan e. Roja 5'ê berfanbara 2023'yan li bajarê Reştê li mala xwe ji aliyê Wezareta Îstîxbarata Îranê ve hat binçavkirin; bêyî ku biryarek dadgehê der barê wê de hebe.  Dadgeha Reştê ew darizand ku dadger Mihemed Alî Goftar Bû. Roja 4'ê tîrmeha 2024'an dadgehê bi îdîaya "li dijî rejimê xebat kiriye" cezaya îdamê lê birî. 16'ê gelawêja 2025'an 39'emîn şaxa Dadgeha Bilind a Îranê ev ceza erê kir. Ji wê demê ve rêxistinên sivîl daxwaza berdana wê dikin ku Rêxistina Efûyê jî yek ji wan e.

Di çarçoveya "Kampanyaya Azadiyê" ya ji bo Mihemedî de Rêxistina Efûyê daxuyaniyeke belav kir û got ku hemû xebatên Şerife Mihemedî ji bo parastina mafên jinan û gelên kedkar bû. Rêxistinê wisa got, "Bila dawî li girtina bi kêfî ya Mihemedî bînin û wê bê şert û merc gavek zûtir berdin."

BANGA SENDÎKAYAN
Li aliyê din Sendîkayên li Fransayê jî serê vê mehê banga .berdana wê kiribû.

HEMWELATIYA ÎTALYAYÊ
Welatê Îtalyayê dawiya meha gelawêja îsal pênaseya "hemwelatiya fexrî" dabû sê jinan: Şerîfe Mihemedî, Pexşan Ezîzî û Werîşe Mûradî ku her sê jî bi cezayê îdamê hatine cezakirin.