Diyarname
Serokdewletê DYA'yê Donald Trump eşkere kir ku Serokdewletê Venezuelayê Maduro û jina wî hatine girtin.

Serê sibê li paytexta Karakas a Venezuelayê bombe teqiyan. Bi giştî 7 teqîn çêbûn. Derket holê ku DYA'yê li hemberî Maduro operasyon daye dest pê kirin.

Piştî çend saetan Serokdewletê DYA'yê Trumpî bi ser hesabê xwe Truth Social re eşkere kir ku wan operayon li hemberî Serokê Venezuelayê daye dest pê kirin.

Li aliyê din Cîgirê Serokdewletê Venezuelayê Delcy Rodriguez gotiye ku ew nizanin Maduro û jina wî li ku ne. 

KÎ ÇI GOT?

- Serokdewletê Brezîlyayê Lula da Silva: Bombekirina axa Venezuellayê û girtina serokdewletê wê nayê qebûlkirin. Ev tevgereke cidî ya li dijî serdestiya Venezuellayê ye û mînakek gelek talûke ye.

- Serokdewletê Rusyayê Vladimir Putin peyamek belav kir û banga berdana Maduro û jina wî kir.
Her wiha Wezareta Karên Derve ya Rusyayê got ku ew piştgiriya Venezuelayê dikin.

- Serokdewletê Kubayê Miguel Diaz-Canel Bermudez bi ser hesabê xwe re got, "Ev êrîşeke sûc e li hemberî Venezuelayê hatiye kirin." Bermudez operasyona DYA'yê wekî "terorîzma dewletê" bi nav kir.

- Wezareta Karên Derve ya Îranê: Em êrîşa li hemberî desthilatdariya Venezuellayê bi tundî şermezar dikin. Ev binpêkirina xala 2'yan ya Neteweyên Yekbûyî ye

- Hikumeta Almanyayê di daxuyaniya belav kiriye de gotiğe ku ew bi tirsnak bûyerê dişopînin û di saetên bê de ewê koma qeyranê kom bikin.

AGAHIYA NÛ, TRUMP AXIVÎ:
Serokdewletê DYA'yê li gor saeta Amedê saet 19.21'î de li Florîdayê derket pêşberî çapemeniyê û li ser operasyona îro axivî. Va ne hin gotinên wî:

- Bi fermana min ev operasyon çêbû. Êrîşa li hemberî Qasim Suleymanî, li hemberî El-Bexdadî, êrîşa li ser Îranê, ev hemû bi awayekî mikemel hatin çêkirin. Me di demek kurt de gelek serketin çêkirin. Me hêzên Venezuelayê bê bandor hiştin.

- Heta derbasî rêveberiyeke guncav bibin emê li wê derê bin.

- Hewce bike emê pêleke diduyan bidin dest pê kirin. Lê wisa dixuye dê ne hewce be. Hewce be em amade ne.

- Maduro gelek kes dişandin û wan hemwelatiyên me tehdîd dikirin. Mirovan me direvandin. Êdî dê nikaribe bike. 

- Tilyakfiroş dişandin Amerîkayê. Kesên ji girtîgehê derdikevin dişandin vir. Êdî dê nikaribe vê yekê bike.

- Petrola me dizîn. Êdî wê nikaribe bike. Heta niha tu serokê DYA'yê nikaribû vê bike. Me wisa kir. 

'ME BAŞ ÎSTÎXBARAT GIRTIBÛ'
Piştî Trump vê carê Serfermandarê DYA'yê Dan Caine derket pêşberî çapameniyê. Va ne çend gotinên wî:
- 150 balafir rabûn. ev organîzasyoneke mezin e. Divê tu xeta nehata kirin. Xetayek biçûk jî dê operasyon xira bikira.
- Piştî salan a îstîxbaratê me fêm kir Maduro li ku dimîne, çi dixwe, çi li xwe dike, heta xwarina dide sewalên xwe, me hemû îstîxbarat da hev. Ji bo zirar nede kesî em li dema guncav sekinin.
- Leşkerên me di Noelê de jî bi rojan sekinîn. Ewr hebûn, ewr hindik vebûn, tenê pîlotên herî baş ên dinyayê dikaribûn dakevin, wisa kirin.
- Bi ser 20 cihî re balafir, helikopter rabûn. Tecrube li hewayê bû. Kes nekira dijî vê hêzê bisekine.
- Dema em gihîştin nêzî hedefê, êrîşê balafirên me kirin, yek ji balafirên me derbe xwar lê tiştek nebû. Hêzên me yên hewayî karî rola xwe bîne cih. Maduro û jina wî teslîm bûn.
- Tu leşkerên me canê xwe ji dest nedan. Niha ku ez li gel we diaxivin hêzên me hê li herêmê ne.