Diyarname
Şêx Hikmet El Hicrî ji bo rojnameya îstaîlî got  Durziyên Sûriyeyê serxwebûnê dixwazin. El Hicrî hikumeta demkî wekî "kujer" bi nav kir û durziyan got, "Îsraîl tekane garantora parastina me ye."

Rêberê ruhanî yê civaka Durziyan şêx Hikmet El Hicrî got: "Rejîma berê ya Sûriyeyê li dijî me tevgeriya, lê rejîma heyî kujertir e û dixwaze Durziyan ji holê rake."

'EM XWE NABIPÊRIN KESÎ'
Rojnameya Îsraîlê Yediot Aharonot ligel El Hicrî hevpeyvînek kir. 
Va ne hin gotinên EL Hîcrî:
- Komkujiyên li Siwêdayê qirkirin in û komkujiya dawîn îspat kir ku em ji bo parastina civaka xwe nikarin xwe bispêrin kesekî din, ji bilî xwe.

'ÎSRAÎLÊ EM JI QIRKIRINÊ PARASTIN'
- Buhayê wê giran bû, lê ne bê fêde bû. Em li siberojekê digerin ku Durzî nebin qurbanî. Korîdoreke mirovî bi Îsraîlê re tune ye û ev yek wergirtina alîkariyê pir zehmet dike. Ne veşartî ye ku Îsraîl tekane welatê cîhanê ye ku bi awayekî leşkerî mudaxele kir û em ji qirkirinê parastin.

'ÎSRAÎL GARANTORÊ ME YE'
- Têkiliya di navbera Îsraîl û Durziyên Siwêdayê de ne nû ye û demeke dirêj berî hilweşîna Esed hatiye çêkirin. Îsraîl dewleteke ku bi qanûnê tê rêvebirin. Ew di her peymaneke siberojê de garantorê me ye. Em xwe wekî beşeke yekgirtî ya hebûna Dewleta Îsraîlê dibînin; em xwe wekî baskekî dibînin ku bi Îsraîlê re tifaqek çêkiriye.

'HÊSANKIRINA KETINA CÎHADÎSTAN BO AXA ME'
- Îro bi rayedarên Şamê re tu têkiliya me tune ye. Heta Adara 2025`an, hewl hebûn ku dewleteke sivîl bi destûreke dadperwer were avakirin, lê ew hewl hilweşiyan. Her kesê ku bi vê rejîmê re têkilî bike dê bibe sedema hêsankirina ketina cîhadîstan nava axa wan. Em ne tenê xweserî, em herêmeke serbixwe ya Durzî daxwaz dikin."
- Em tam serxwebûnê dixwazin lê di bin ewlehiya hêzên derve de ji bo demkî xweserî jî dibe.

TÊKILIYA LIGEL KURDAN
- Ligel hêzên kurd têkiliyeke stratejik heye. Ez performansa wan a li qada sivîl û ewlehiyê de teqdîr dikim.