Diyarname
Keça kurd Rojîn Kabaîş bi awayekî gumanbar hat kuştin. Doz û daxwaza edaletê ya ji bo Kabaîş didome. Niha li ser wê û vê pêvajoyê belgefîlmekî hat amadekirin. Di çalakiya li dar bikeve de dê belgefîlm bê nîşandayîn, parêzer li ser meseleyê biaxivin û dê guhdariya muzîkê jî hebe. Bi çalakiyê Kabaîş dê bê bibîranîn.

'KIRIK TEZARÎ'
Belgefîlmê bi navê "Kirik Terazî" (Mêzîna Şikestî) ji aliyê Gokhan Çetîn ve hatiye kişandin. Di belgefîlm de bavê Rojîn Kabaîş Nîzamettîn Kabaîş û têkoşîna wî ya ji bo dîtina kiryarên bûyerê heye.

Ji bo nîşandayîna belgefîlm û her wiha ji bo bîranîna Rojîn Kabaîş, carek din qalkirin meseleyê çalakiyeke berfireh hatiye amadekirin. Baroyên Amed û Wanê ev çalakî organize kirine û wê roja 16'ê adarê li ÇandAmedê li dar bikeve.

GOTÛBÊJ

Li gor bernameya hatiye eşkere kirin, piştî axaftina destpêkê wê Sarya Ozgur û Raperîn beşek ji muzîkê pêşkêş bikin. Dûre wê belgefîlmê "Kirik Terazî" bê nîşandayîn û paşê jî dê gotûbêjek li dar bikeve.
Di gotûbêjê de wê parêzer Mehmet Emin Aktar moderatorî bike. Bavê Rojîn Kabaîşê Nizamettin Kabaîş, Hevseroka Şaredariya Wanê Neslihan Şedal, Prîsolog a pispor Hulya Konak, rojnameger Ruşen Takva, derhêner Gokhan Çetin parêzer Fatma Ülgen û parêzer Medine Turantaylak Ozkaçmaz wekî axifger dê beşdarî gotûbêjê bibin.
Bername saet 19'an de dest pê dike.