Diyarname
Di fînala Kûpala Lîgê ya Îngilistanê de her du tîmên mezin Arsenal û Manchester City (MC) hatin hemberî hev. MC'ê bi 2-0 Arsenal têk bir û kûpa girt.

"EFL Cup" ku wekî Kûpaya Îngilistanê tê zanîn di sala 1960'î de dest pê kiriye. Ji Premier Lîgê 20 û tîmên din ji lîgên jêrîn, bi giştî 92 tîm beşdar dibin. Tîma bi ser dikeve raste rast mafê çûyîna Lîga Konferansê ya UEFA'yê bi dest dixe. Heta aniha herî zêde Liverpoolê ev kûpala biriye mala xwe: Tam 10 caran. Dûre bi seketina îro de Manchester City tê ku bû 9 caran bi ser dikeve. 

NICO O'REILLY MOHRA XWE LÊ DA
Di maça ku her du tîmên mezin ên Îngilistanê hatin hemberî hev e, rexnegiran hinek zêde rê didan ber Arsenalê. Arsenala ku niha di 4 waran de dilîst, rexnegiran digot gelo dê îsal 4 kûpayan (Lîga Şampiyonan, Premier Lîg, FA CUP û EFL CUP) bigire yan na? Li aliyê din Manchester City yê ku vê hefteyê di Lîga Şampiyonan de têk çû, di Premier Lîgê de di rêza duyem de ye, hedefa mezin ji bo niha ev kûpa bû.
Di nîveka yekem de ataqên her du aliyan jî hebûn, lê gol tune bûn. Di nîveka duyemîn de MC hê serketî bû. Di 20 deqeyên pêşî ên Nîveka duyemîn de MC'yê nefes li Arsenalê çikand. Loma jî ew ber bi xetayan ve çûn. Di deqîqeya 60'î de qeleparêz Kepa xeta kir, Nico O'Reilly ê 21 salî efû nekir: 1-0. Di deqîqeya 64'an de carek din O'Reillyi gol di torê de çikand û encam diyar kir: 2-0.

Di 12 SALAN DE 9 CARAN
Bi vê serketinê piştî Liverpoolê (10 caran) bû 9 caran MC vê kûpayê digire. Ya balkêş, di van 12 salên dawî de 7 caran ev kûpa girtiye. 
MC'ê di sala 1970, 1976, 2014, 2016, 2018, 2019, 2020, 2021 û 2026.

40'EMÎN KÛPA
He ku teknîk dîrektorê MC'ê Pep Guardiola ye, bi vê yekê bû 40 kûpa bi dest dixe.
Li aliyê din bû 5 caran Guardiola vê kûpayê digire û bi vê yekê dîrokeke nû li dîroka xwe dike. Berî wî Alex Ferguson (Manchester United), Jose Mourinho (Chelsea, Manchester United) û Brain Cloug (Nottingham Forest) her yekî 4 caran ev kûpa girtibû. Niha Guardiola bi 5 caran ew derbas kirin.

PREMIER LÎG, FA CUP
Ji bo Arsenal û MC'ê du notên din jî bi vî rengî ne: Di Premier Lîgê de Arsenal bi 70 pûanan yekemin, MC bi 61 pûanê duyemîn (Maçek wê nehatiye lîstin) e.
Di FA Cupê de jî 4'ê meha pêşiya me dê maçên çarîk finalê bêne lîstin. MC ligel Liverpoolê, Arsenal ligel Southamptonê wê bilîze.