Diyarname
Li gorî rapora TÜM-BEL SEN’ê; ji hilbijartinên 31’ê Adarê 2024’an vir ve li 85 belediyeyê bi kayûm, dûrxistina ji kar û mudaxeleyên siyasî rêveberî hate guhertin.
Sendikaya Hemû Karker û Xebatkarên Şardariyan ya Tirkiyê (TUM-BEL SEN) di salvegera duyemîn a hilbijartina herêmî ya 31’ê adarê 2024’an de, li ser mudaxeleyên siyasî yên li dijî rêveberiyên herêmî yên di bin kontrola partiyên muxalefetê de ne, raporek weşand.
Di raporê de hate gotin ku mudaxeleiyên li ser rêveberiyên herêmî bûye wekî “rejîmeke dijî ked û demokrasiye.”
Di raporê de dibêje ku bi tayînkirina kayûman, dûrxistina ji kar, operasyonên dadgehê û sînorkirinên darayî re, demokrasiya herêmî ya li Tirkiyeyê bi awayekî pratîkî hatiye rawestandin.

85 ŞAREDAR LIGEL HATIN HILBIJARTIN JÎ NE LI SER KAR IN
Raporê ji bo DEM Partî û CHP’ê sernavek taybet amade kiriye û gotiye: “Ji sedî 44,4’ê dengan ên ku CHP’ê di hilbijartina 2024’an de girtine; ji sedî 27,7’ê dengan ên DEM Partiyê jî girtine hatine dizîn.”
Li gorî raporê, ji hilbijartina 2 bal bere ve heta niha li 85 şaredariyan “rêveberî hatine guhertin û tercîhên bi mîlyonan hilbijêdan bê bandor hate hiştin”.
TUM-BEL SEN’ê ev tablo bi van daneyan anî ziman: “8 mîlyon û 845 hezar û 767 dengan kesên hilbijartine ew kira hatine girtin, loma ev deng bi awayekî bi avê de çûn. Ev hejmar dike ji sedî 20,55’ê tevahiya dengan.”

ŞAREDARIYÊN KAYÛM ŞANDINE SER
Di raporê de hate diyarkirin ku pêşî li Wanê xwestin mazbataya  Abdullah Zeydan hate “bidizin”, dema ev yek bi ser neket, bi Culemêrgê re pêvajoya kayûman dest pê kir. Di nav du salan de kayûm li van belediyeyan hatine tayînkirin: 
“Culemêng, Esenyurt, Batman, Mêrdîn, Xelfetî, Dêrsim, Ovacix (Dêrsim), Bahçesaray (Wan), Akdenîz (Mêrsîn), Sêrt, Wan, Qaxizman (Erzerom) û Şîşlî (Stenbol).”
Di daxuyaniyê de hate gotin ku ne tenê bi kayûman, lê bi “dûrxistina ji kar”, “guhastin” û “dizîna desthilatê” re jî, ji hilbijartinên herêmî yên dawî vir ve bi dehan şaredariyan dest guhertine: “Bi giştî li 30 şaredariyan (di nav de bajarên mezin ên wekî Stenbol, Wan, Merdîn, Edena û Antalya) serokên hatine hilbijartin an hevserok hatine dûrxistin; li 55 belediyeyan jî bi guhertina aritmetîka meclisa şaredariyê û awayên cuda, guhertinên partiyê çêbûne.”‘

1342 KARKER HATIN ÎXRACKIRIN
Li gorî raporê, karkerên şaşredariyê yek ji komên herî zêde bandor dîtine ne. Di vê pêvajoyê de hezar û 342 karmendên giştî hatine îxrackirin, 837 kes hîn negihîştine karê xwe, 3 hezar 200 karker jî ji ber betalkirina peymanên kolektîf rastî windahiyên dahatê hatine. 

'BILA ŞERTÊ RÊVEBERIYÊN HERÊMÎ BÊ QEBÛLKIRIN'
Li aliyê din Sekteretê Giştî yê Tum Bel-Sen'ê li Navenda Giştî daxuyanî da çapemeniyê û got, "Bila astengiyê ni li pêşiya Şertê Xweseriya Rêveberiyên Herêmî ya Ewropayê bê rakirin û ev xal bê îstîsna bê bi cih anîn."