Amed
Piştî klûbê nav kir “Amedspor” serokê pêşî yê Amedsporê Cengîz Dundar bû ku niha ew Hevşaredarê Peyasa Amedê ye. Dundar sipasiya her kesî kir ku heta niha ked dane vê klûbê

Piştî maçên dawiya hefteyê, Amedspor bi awayekî fermî derbasî Lîga Super a Tirkiyeyê bû û dîroka efsaneya xwe careke din kir navenda bala herkesî. Dîroka Amedsporê heta sala 185’an diçe.

JI “MELÎKAHMET TURANSPOR” heta KLÛBA ŞAREDARIYÊ
Wê salê bi navê “Melîkahmet Turanspor” klûb tê damezrandin. Di sala 1990’î de jî di bin banê Şaredariya Amedê de bi navê “Diyarbakir Belediye Spor” xebatên xwe domand. Di sala 1993’yan de, piştî ku Şaredariya Amedê statuya metropolê bi dest xist, navê klûbê bû Klûba Şaredariya Bajarê Mezin a Amedê.

SERDEMA DÎSKÎ Û AMEDSPOR
Di sala 1999’an de klûbê navê DÎSKÎ Spor girt û heta sala 2010’an bi vî navî dewam kir. Amedsporê di sala 2009'an de serî li Maseya Komeleyan da û klûb wekî "Amedspor" qeyd kir. Sala 2010’an ji bo klûbê bû xala veguherîneke girîng. Piştî biryara kongreya giştî, navê tîmê hate guhertin û bû Amedspor. Kongre li dar ket, bi vî navî Serokê yekemîn ê di bin navê Amedsporê de, Cengîz Dundar bû ku niha Hevşaredarê Peyasê ye.

‘PEŞÎ EM RASTÎ GELEK ZEHMETIYAN HATIN
Cengîz Dundar diyar kir ku wî û çend hevalên xwe yên ku kelecaneke mezin ji bo bajarê xwe biryar dan ku dest bi vê rêwîtiya sporê bikin û wiha got:
“Dema me dest pê kir, em rastî gelek zehmetî û astengiyan hatin. Lê hezkirina me ya ji bo Amedsporê û piştgiriya mezin a gelê me yê hêja, me heta îro li ser lingan hişt. Bi vê bawerî û piştgiriya gel, me her astengî derbas kir û gihîştineke dîrokî bi dest xist ku niha li Tirkiye û li cîhanê tê behskirin. Em spasiya hemû kesên ku ji roja yekem ve kelecana me parve kirin, heta îro ked û hewldanên xwe pêşkêş kirin û tevî hemû zehmetiyan piştgiriya me kirin, dikin.”

HETA NIHA SEROKÊN AMEDSPORÊ:
Piştî sala 2014'an heta niha klûbê gelek caran kongre saz kir û serok guhartin. Heta niha ev kes bûne serokên klûbê:
- Cengin Dundar
- İhsan Avci
- Metin Kilavuz (du serdemên cuda bu Serokê Klûbê. Mînak 2019'an de carek din bû serok)
- Ali Karakaş (2015-2018, du carên cuda de bûne serok)
- Nurullah Edemen (2016-2019).
- Çetin Alsaç (2020-2021)
- Selahattin Yildirim (2022)
- Aziz Elaldı (2023-2024)
- Burç Baysal (2024-2025).
- Nahit Eren (2025. Hê jî ew serok e)
 

**

Hin nûçeyên eleqedar:
- Serxêrê: Amedspor hat avakirin

- Vaye rêveberiya nû ya Amed Sporê

- Li Amedsporê karbeşî hat kirin

- Serokê nû yê Amedsporê diyar bû

-  Amed Sporî rêveberî xwu kerde newe

- Tu bi xêr hatî AMED Spor

- Ser xêrê: Êdî AMED Spora me heye

- Serokê Amed Sporê ê nû: Em ji vê lîga xopan derkevin