Diyarname
Amedspor ji bo amadehiya Lîga Super 1'ê vê mehê kongreya xwe li dar dixe. Lijneya Bilinad a Îştîşareyê ya Amedsporê bi yek dengî biryar girt ku serokê niha yê Amesporê Nahit Eren dewam bike.

Kongreya Amedsporê 1'ê vê mehê ye. Ev çend roj in ji bo serokatiya Amedsporê nav derdiketin pêş lê rewş zelal bû. Îro Lijneya Bilinda ya Îştîşareyê ya Amedsporê li Tesîsên Şehmus Ozer daxuyanî da çapemeniyê. Lijneyê eşkere kir ku Nahit Eren carek din ji bo kongreyê pêşniyar kirine û ewê wekî yek berendam bikeve kongreyê.

Serokê Lijneyê Metin Klavuz, Hevşaredara Bajarê Mezin a Amedê Serra Bucak, Serokê DTSO'yê Mehmet Kaya û endamên Lijneya Îstîşareyê amade bûn.

'EMÊ LÎSTEYEKE XURT A RÊVEBERÎ SAZ BIKIN'
Serokê Lijneya Bilinda ya Îştîşareyê ya Amedsporê Metin Klavuz axivî û got, "Me bi hev re soza kûpayê dabû, me bi hev re soza xwe anî cih û kûpa anîn Amedê. Niha li ser pêşniyara hevpar a lijneya me, me biryar da ku Nahit Eren serokatiyê bidomîne. Heta roja kongreyê emê lîsteyeke xurt saz bikin."

'EV SERKETINA AQILÊ HEVPAR E'
Serokê DTSO'yê (Odeya Sanayî û Bazirganî ya Amedê) Mehmet Kaya jî got ku ev serketina bi dest xistine ne tenê serketina sportîf e, di heman demê de serketina aqilê hevpar e. Kaya wisa got, "Di Lîga Super de tîma butçeya wê bin 20 mîlyon Euroyî de be tüne ye. Tîm xurt in. Heta îro em çawa xwedî li tîmî derketine, ji îro pê de jî emê xwedî lê deren. Ji bo tîmî em hê pêşvetir bibin em bixebitin û bila li Lîga Super mayînde be."

'WEKÎ SAZIYÊN HERÊMî EMÊ XWEDÎ LÊ DERÊN'
Hevşaredara Bajarê Mezin a Amedê Serra Bucak jî wisa got, "Ji bo bajarê me, me şampiyoniyeke girîng bi dest xist. Em wekî saziyên herêmî emê xwedî li tîma gel derkevin. Di çarçoveya profesyonelî, bi aqilê hevpar emê vê serketinê ber bi pêş ve bibin."

'EMÊ LI HER DERÊ NÛNERIYA BAJÊR BIKIN'
Serokê Amedsporê Nahit Eren jî got ku serketina Amedsporê serketina bajêr e û wiha dom kir, "Carek din derket holê ku aqilê hevpar çiqas lazim e. Pêvajoyeke fikra her kesî digire, demokrasiyê dixe jiyanê. Ji bo Amedsporê tiştê herî lazim sazîbûn û profesyonelî ye. Hedefa me ew e em li her derê dinyayê nûneriya vî bajarî bikin."
Eren li ser binesaziya tîmê ku lîstikvanan ji bo Tîma A bigihîne, alîgirên Amedsporê jî sekinî û got, "Ez bawerim alîgirên me dê hê zêdetir piştgiriya me bikin."