Diyarname
Boksorê kurd Agit Kabayel bû şampiyonê WBC'ê. Ev tê çi waneyê? Çapemeniya tirkan berê ji bo Karayel çi nivîsî bû?
Va ne agahî:

WBC ASTA BI PRESTÎJ E
Heavyweight WBC (Sîkleta Giran a WBC) yek ji çalakiyên boksê ya girîng a dinyayê ye. WBC, WBA, IBF, WBO di warê xwe de çar tûrnûvayên herî girîng ên dinyayê ne. Kesên wekî Mike Tyson, Lennox Lewis, Vitali Klitschko, Deontay Wilder, Oleksandr Usyk bi van tûrnûvayan têne nasîn. Kemera Kesk a WBC'ê di sîkleta giran e wekî ya hetî bi prestij tê hesibandin. Û boksorê kurd Agit Kabayel niha ev prestij bi dest xistiye. Agit Kabayel roja 27'ê mehê bû şampiyon.

KURDEKÎ ALMANYAYÊ
Ew li ser navê Almanyayê di pêşbaziyê de ye, lê ew her demê xwe wekî kurd dide nasîn û piştî her serketinê ala Kurdistanê bilind dike.
ALmanya piştî 100 salî di vê tûrnûvayê de carek din bi ser dikeve bi saya Agit Kabayel. Di sala 1932'yan de Maks Schmeling li ser navê Almanyayê bûbû şampiyon.

KERKÛKIYÊ YEKEMÎN DIBE ŞAMPIYON
Kabayal bi eslê xwe ji Kerkûkê ye. Wî di peyama belav kir de got, "Di dîrokê de kerkûkiyê yekemin di şampiyoniya giran a dinyayê de, hema beje di nav 100 salan de li ser navê Almanyayê bû şampiyon. Bi peyvan ez nikarim vê binim ziman. Ji bo di vê rêwîtiya min de we her piştgiriya min kir, ez sipasiya we dikim. Ji bo vî kemerî zêdetir di koleksiyona xwe de biparêzim û hê zêdetir şampiyoniyan bi dest bixim çi ji destê min bê ezê bikim."

Kabayel di sala 1992'yan de hatiye dinê. Ev 15 sal in di vî warî de têdikoşe. Heta niha di astên jêrîn de gelek caran bû şampiyon û niha hat asta bilind. Ev serketina Agit Kabayel wekî serketinên wî yên din dilê kurdan geş kir.

ÇAPEMENIYA TIRKAN ÇI GOTIBÛ?
Agit Kabayel dema 19 salî bû û bi ser ketibû çapemeniya  tirkan hem navê wî şaş nivîsî bû, hem wekî tirk nişan dabû. Çapemeniya tirkan di nûçeyê de wisa gotibû, "Lîstikvanê tirk ê 19 salî Agip Kabayel ku navê xwe li sîkleta giran a dinyayê nivîsî…"
Û çapemeniya tirkan piştî vê serketina duh qet nûçe li ser çênekir.